ఎదురెదురుగా రెండు బైక్‌లు ఢీ.. ఇద్దరికి గాయాలు
ABN , Publish Date - Nov 16 , 2024 | 11:09 PM
మండల పరిధిలోని లేమామిడి గ్రామ శివారులో శనివారం రాత్రి ఎదురెదురుగా రెండు బైక్‌లు ఢీకొన్న ఘటనలో ఇద్దరు యువకులు గాయపడ్డారు. మండలంలోని పోమాల్‌పల్లికి చెందిన కేశంపేట మల్లేష్‌ బైక్‌పై తలకొండపల్లికి వెళ్లి తిరిగి వస్తుండగా, లేమామిడికి చెందిన నందాచారి బైక్‌పై తలకొండపల్లి వైపు వెళ్తున్నాడు.
కేశంపేట, నవంబరు 16(ఆంధ్రజ్యోతి): మండల పరిధిలోని లేమామిడి గ్రామ శివారులో శనివారం రాత్రి ఎదురెదురుగా రెండు బైక్‌లు ఢీకొన్న ఘటనలో ఇద్దరు యువకులు గాయపడ్డారు. మండలంలోని పోమాల్‌పల్లికి చెందిన కేశంపేట మల్లేష్‌ బైక్‌పై తలకొండపల్లికి వెళ్లి తిరిగి వస్తుండగా, లేమామిడికి చెందిన నందాచారి బైక్‌పై తలకొండపల్లి వైపు వెళ్తున్నాడు. ఈక్రమంలో గ్రామ సమీపంలో బైక్‌లు ఎదురెదురుగా ఢీకొన్నాయి. ప్రమాదంలో మల్లేష్‌ తీవ్రంగా గాయపడగా, నందాచారికి గాయాలైనాయి. విషయం తెలుసుకున్న కేశంపేట సీఐ నరహరి క్షతగాత్రులను అంబులెన్స్‌లో షాద్‌నగర్‌ కమ్యూనిటీ ఆసుపత్రికి తరలించారు. మల్లేష్‌ పరిస్థితి విషమంగా ఉండడంతో ఉస్మానియాకు తరలించారు. నందాచారి ఓ ప్రైవేట్‌ ఆసుపత్రిలో చికిత్స పొందుతున్నాడు. విచారణ చేపట్టినట్లు సీఐ చెప్పారు.
