Electric Vehicles: ఒక్క రోజే 131 ఈవీల కొనుగోలు!
ABN, Publish Date - Nov 19 , 2024 | 01:50 AM
ప్రభుత్వ ప్రోత్సాహం నేపథ్యంలో ఎలక్ర్టిక్‌ వాహనాలపై ప్రజలు ఆసక్తి చూపుతున్నారు.
ప్రభుత్వ ప్రోత్సాహంతో పెరుగుతున్న అమ్మకాలు
హైదరాబాద్‌ సిటీ, నవంబరు 18 (ఆంధ్రజ్యోతి): ప్రభుత్వ ప్రోత్సాహం నేపథ్యంలో ఎలక్ర్టిక్‌ వాహనాలపై ప్రజలు ఆసక్తి చూపుతున్నారు. సోమవారం ఒక్క రోజే రాష్ట్ర వ్యాప్తంగా వివిధ క్యాటగిరీలకు చెందిన 131 వాహనాలను కొనుగోలు చేశారని రవాణా శాఖ పేర్కొంది. ఇందులో ఆటో రిక్షాలు-3, గూడ్స్‌ క్యారేజ్‌-1, కార్లు-6, ద్విచక్ర వాహనాలు 121 ఉన్నాయి. ప్రోత్సాహం నేపథ్యంలో ఈ వాహనాలకు రిజిస్ట్రేషన్‌, రోడ్‌ ట్యాక్స్‌ నుంచి మినహాయింపు లభించింది. ఎలక్ర్టిక్‌ వాహనాల కొనుగోలుకు సంబంధించి రిజిస్ట్రేషన్‌, రోడ్‌ ట్యాక్స్‌ మినహాయింపును 2026 డిసెంబరు 31 వరకు పొడిగిస్తూ రాష్ట్ర ప్రభుత్వం తాజాగా ఉత్తర్వులు జారీ చేసిన సంగతి తెలిసిందే. అలాగే వాహనాల కొనుగోలు పరిమితినీ ఎత్తి వేయడంతో అమ్మకాలు మరింత పెరుగుతాయని వ్యాపారులు ఆశాభావం వ్యక్తం చేస్తున్నారు.
Updated Date - Nov 19 , 2024 | 01:50 AM
