Mudra Loans: ముద్ర రుణాల్లో తెలంగాణకు తీవ్ర అన్యాయం
ABN, Publish Date - Oct 20 , 2024 | 03:01 AM
చిరు వ్యాపారులకు ఆర్థిక చేయూత అందించాలన్న లక్ష్యంతో కేంద్రం అమలుచేస్తున్న ముద్ర రుణాల్లో తెలంగాణకు అన్యాయం జరుగుతోందని తెలంగాణ రైతు రక్షణ సమితి అధ్యక్షుడు పాకాల శ్రీహరి రావు ఆరోపించారు.
రైతు రక్షణ సమితి అధ్యక్షుడు పాకాల శ్రీహరి రావు
హైదరాబాద్‌, అక్టోబరు 19(ఆంధ్రజ్యోతి): చిరు వ్యాపారులకు ఆర్థిక చేయూత అందించాలన్న లక్ష్యంతో కేంద్రం అమలుచేస్తున్న ముద్ర రుణాల్లో తెలంగాణకు అన్యాయం జరుగుతోందని తెలంగాణ రైతు రక్షణ సమితి అధ్యక్షుడు పాకాల శ్రీహరి రావు ఆరోపించారు. దేశవ్యాప్తంగా అనేక రాష్ట్రాల్లో ఈ పథకం పెద్దఎత్తున అమలవుతుంటే రాష్ట్రంలో మాత్రం ఎంతో వెనుకంజలో ఉందని ఒక ప్రకటనలో తెలిపారు.
2023-24లో దేశవ్యాప్తంగా 6.67కోట్ల మందికి రూ.5.41లక్షల కోట్లు ముద్ర రుణాలు మంజూరుచేశారని పేర్కొన్నారు. తెలంగాణలో కేవలం 9.47లక్షల మందికి రూ. 10,929 కోట్ల రుణాలే మంజూరు అయ్యాయన్నారు. ఈ పథకం ఎక్కువ మందికి అందేలా సహకరించాలని కేంద్రమంత్రులు కిషన్‌రెడ్డి, సంజయ్‌ను కోరారు.
Updated Date - Oct 20 , 2024 | 03:01 AM
