desktop_rhs_sticky_ad
desktop_lhs_sticky_ad
Abn logo
శ్రీశార్వరినామ సంవత్సరం, దక్షిణాయనం, వర్షరుతువు, శ్రావణమాసం, బహుళపక్షం; తిథి: అష్టమి ఉ. 11.17 తదుపరి నవమి; నక్షత్రం: కృత్తిక రా. 3.27 తదుపరి రోహిణి; వర్జ్యం: మ. 2.12-3.58; దుర్ముహూర్తం: ఉ. 11.55-12.46; అమృతఘడియలు: రా. 12.48-2.34; రాహుకాలం: మ. 12.00-1.30; సూర్యోదయం: 6.02; సూర్యాస్తమయం: 6.40
వారఫలాలు (జన్మ తేది ప్రకారం) (18-03-2020)

మేషం

పెట్టుబడులు, వృత్తి, వ్యాపారాలు, ప్రయాణాలపై ఈ వారం దృష్టి పెడతారు. బుధవారం సినీ, రాజకీయ రంగాల వారు గౌరవ మర్యాదలు అందుకుంటారు. ఉద్యోగ, వ్యాపారాల్లో ప్రోత్సాహకరం. 19, 20, 21 తేదీల్లో ఆర్థిక విషయాలు, వేడుకలకు సంబంధించి కీలక నిర్ణయాలు తీసుకుంటారు. బృంద కార్యక్రమాల కోసం ఖర్చులు అంచనాలు మించిపోతాయి. 22, 23 తేదీల్లో ఉన్నత విద్య, విదేశీ వ్యవహారాలకు అనుకూలం. ఒక సమాచారం కారణంగా మనశ్శాంతి లోపిస్తుంది. సినీ రాజకీయ రంగాల వారు నిదానం పాటించాలి. 24న కొత్త పనుల ప్రారంభం వాయిదా వేయండి.

వృషభం

విద్య, దూరప్రయాణాలు, ఆర్థిక వ్యవహారాలపై ఈ వారం దృష్టి పెడతారు. బుధవారం సమావేశాల్లో కీలకపాత్ర పోషిస్తారు. ఆర్థిక విషయాల్లో ప్రోత్సాహకరం. 19, 20, 21 తేదీల్లో వృత్తి, వ్యాపారాల్లో గత అనుభవంతో లక్ష్యాలు సాధిస్తారు. సినీ, రాజకీయ రంగాల వారికి కొంత నిరుత్సాహకరంగా ఉంటుంది. 22, 23 తేదీల్లో రుణయత్నాలు ఫలిస్తాయి. ఆర్థిక పరిస్థితిని సమీక్షించుకుంటారు. ప్రియతముల వైఖరి మనస్తాపం కలిగిస్తుంది. సమావేశాల్లో అసౌకర్యం కలిగే అవకాశం ఉంది. 24న ఉన్నత విద్య, విదేశీ వ్యవహారాల్లో కొంత నిరుత్సాహం ఎదురవుతుంది.

మిథునం

ఆరోగ్యం, పెట్టుబడులు, బృందకార్యక్రమాలపై ఈ వారం దృష్టి పెడతారు. బుధవారం పన్నులు, బీమా వ్యవహారాలు పరిష్కారం అవుతాయి. పెద్దల ఆరోగ్యం మెరుగుపడుతుంది. 19, 20, 21 తేదీల్లో రక్షణ, బోధన, న్యాయ రంగాల వారికి ఆర్థికంగా ప్రోత్సాహకరం. సమావేశాల్లో అసౌకర్యం కలిగే అవకాశం ఉంది. 22, 23 తేదీల్లో ఆర్థిక విషయాల్లో పెద్దల సహకారం అందుకుంటారు. వృత్తి, వ్యాపారాల్లో ఆశించిన ఫలితాలు సాధనకు అధికంగా శ్రమించాలి. పై అధికారుల వైఖరి మనస్తాపం కలిగిస్తుంది. 24న ఆర్థిక సంస్థలతో పనులకు ఆటంకాలు ఎదురయ్యే అవకాశం ఉంది.

కర్కాటకం

వృత్తి, వ్యాపారాలు, ఇంటర్వ్యూలు, వేడుకలపై ఈ వారం దృష్టి పెడతారు. బుధవారం శ్రీవారు, శ్రీమతి విషయాల్లో శుభపరిణామాలు సంభవం. వేడుకల్లో పాల్గొంటారు. 19, 20, 21 తేదీల్లో పెద్దల ఆరోగ్యం మెరుగవుతుంది. మెడికల్‌ క్లెయిములు పరిష్కారం అవుతాయి. బీమా, గ్రాట్యుటీ, పెన్షన్‌ వ్యవహారాల్లో ఆటంకాలు ఎదురవుతాయి. 22, 23 తేదీల్లో సమావేశాల్లో గౌరవ మర్యాదలు అందుకుంటారు. ఉద్యోగ, వ్యాపారాల్లో అంచనాలు తప్పే అవకాశం ఉంది. ఆడిటింగ్‌, రవాణా, బోధన రంగాల వారు నిదానం పాటించాలి. 24న వృత్తి, వ్యాపారాల్లో ఆచితూచి వ్యవహరించాలి.

సింహం

ఆర్థిక వ్యూహాలు, వృత్తి, వ్యాపారాలు, వేడుకలపై ఈ వారం దృష్టి సారిస్తారు. బుధవారం ఆరోగ్యం మెరుగుపడుతుంది. వృత్తి, వ్యాపారాల్లో ఆర్థిక ప్రయోజనాలు సాధిస్తారు. 19, 20, 21 తేదీల్లో వివాహాది శుభకార్యాల్లో పాల్గొంటారు. జనసంబంధాలు విస్తరిస్తాయి. సమావేశాల్లో మాటపడాల్సి రావచ్చు. 22, 23 తేదీల్లో ఆర్థిక విషయాల్లో అంచనాలు ఫలిస్తాయి. దూరప్రయాణాలకు అవసరమైన నిధులు సర్దుబాటు కావడంలో జాప్యం జరిగే అవకాశం ఉంది. ఆరోగ్యం పట్ల శ్రద్ధ చూపాలి. 24న సమావేశాలు, ప్రయాణాల్లో నిదానం పాటించాలి. లక్ష్య సాధనకు అధికంగా శ్రమించాలి.

కన్య

వేడుకలు, ఆరోగ్యం, పెట్టుబడి ప్రణాళికలకు ఈ వారం అనుకూలం. బుధవారం వేడుకల్లో పాల్గొంటారు. ప్రేమానుబంధాలు బలపడతాయి. 19, 20, 21 తేదీల్లో ఆరోగ్యం మెరుగుపడుతుంది. వృత్తి, వ్యాపారాల్లో పట్టుదలతో లక్ష్యాలు సాధిస్తారు. విందుల్లో, వినోదాల్లో నిదానం పాటించాలి. 22, 23 తేదీల్లో ఆర్థికపరిస్థితి ప్రోత్సాహకరం. షేర్‌మార్కెట్‌ వ్యవ హారాల్లో ఆచితూచి వ్యవహరించాలి. భాగస్వామి వైఖరి మనస్తాపం కలిగిస్తుంది. ప్రియతముల కోసం ఖర్చులు అంచనాలు మించుతాయి. 24న ఆరోగ్యం పట్ల శ్రద్ధ చూపాలి. బీమా, పెన్షన్‌, పన్నుల లావాదేవీలకు అనుకూలం.

తుల

సమావేశాలు, వేడుకలు, షాపింగ్‌కు ఈ వారం అనుకూలం. బుధవారం బదిలీలు, ఉద్యోగంలో మార్పులకు అనుకూలం. వేడుకలు ఉల్లాసం కలిగిస్తాయి. 19, 20, 21 తేదీల్లో ప్రేమానుబంధాలు బలపడతాయి. సృజనాత్మకంగా వ్యవహరించి వృత్తి, వ్యాపారాల్లో లక్ష్యాలు సాధిస్తారు. ప్రియతముల కోసం ఖర్చులు అధికం. 22, 23 తేదీల్లో కొత్త పరిచయాలు ఉల్లాసం కలిగిస్తాయి. లక్ష్య సాధనలో సన్నిహితుల సహకారం లోపించడంతో ఇబ్బందులు పడతారు. ప్రియతముల వైఖరి కలవరపెడుతుంది. 24న స్పెక్యులేషన్లలో ఆచితూచి ముందడుగు వేయాలి. భాగస్వామి వైఖరి మనస్తాపం కలిగిస్తుంది.

వృశ్చికం

విద్య, వృత్తి, వ్యాపారాలు, పెట్టుబడులపై ఈ వారం దృష్టి సారిస్తారు. బుధవారం ప్రయాణాలు, చర్చలు ఉల్లాసం కలిగిస్తాయి. విద్యార్థులకు శుభపద్రం. 19, 20, 21 తేదీల్లో బదిలీలు, మార్పులకు అనుకూలం. వేడుకలకు ఏర్పాట్లు చేస్తారు. రియల్‌ ఎస్టేట్‌ వ్యవహారాల్లో నిదానం పాటించాలి. 22, 23 తేదీల్లో సృజనాత్మకంగా వ్యవహరించి లక్ష్యాలు సాధిస్తారు. ప్రకటనలు, బ్యాంకులు, విద్యా రంగాల వారు నిదానం పాటించాలి. చిన్నారులు, ప్రియతముల ఆరోగ్యం పట్ల శ్రద్ధ చూపాలి. 24న వృత్తి, వ్యాపారాల్లో ఆటంకాలు ఎదురయ్యే అవకాశం ఉంది. విందు వినోదాల్లో నిదానం అవసరం.

ధనుస్సు

వేడుకలు, పెట్టుబడులు, విద్య, వ్యాపారాలపై ఈ వారం దృష్టి పెడతారు. బుధవారం రియల్‌ ఎస్టేట్‌ రంగంలోని వారికి ఆర్థికంగా ప్రోత్సాహకరం. ఆర్థిక పరిస్థితిని సమీక్షించుకుంటారు. 19, 20, 21 తేదీల్లో చిన్నారులు, ప్రియతముల వ్యవహారాల్లో శుభపరిణమాలు సంభవం. విద్యార్థులు లక్ష్య సాధనకు అధికంగా శ్రమించాలి. ప్రయాణాల్లో నిదానం అవసరం. 22, 23 తేదీల్లో కుటుంబ సభ్యుల వైఖరి ఉల్లాసం కలిగిస్తుంది. రియల్‌ ఎస్టేట్‌, నిర్మాణ రంగాల వారు ఆచితూచి వ్యవహరించాలి. బదిలీ ప్రయత్నాలు ఫలించకపోవచ్చు. విలువైన వస్తువులు కొనుగోలు సమయంలో నాణ్యత పాటించాలి. 24న చిన్నారులు, ప్రియతముల వైఖరి ఆవేదన కలిగిస్తుంది. పెట్టుబడుల్లో ఆచితూచి వ్యవహరించాలి.

మకరం

వేడుకలు, బదిలీలు, వృత్తి, వ్యాపారాలపై ఈ వారం దృష్టి పెడతారు. బుధవారం శుభవార్త అందుకుంటారు. ప్రయాణాలు, చర్చలు ఫలిస్తాయి. 19, 20, 21 తేదీల్లో రుణాలు మంజూరవుతాయి. విలువైన వస్తువులు కొనుగోలు చేస్తారు. ఆర్థిక విషయాల్లో కుటుంబ సభ్యుల వైఖరి ఆవేదన కలిగిస్తుంది. 22, 23 తేదీల్లో కాంట్రాక్టులు, అగ్రిమెంట్లకు అనుకూలం. రవాణా, బోధన రంగాల వారు నిదానం పాటించాలి. సన్నిహితుల వైఖరి మనస్తాపం కలిగిస్తుంది. ఒక సమాచారం కలవరపెడుతుంది. 24న బదిలీలు, మార్పులు అసౌకర్యం కలిగించే అవకాశం ఉంది.

కుంభం

విద్య, ప్రయాణాలు పెట్టుబడులపై ఈ వారం దృష్టి పెడతారు. బుధవారం ఉన్నత విద్య, విదేశీ వ్యవహారాలకు అవసరమైన నిధులు సర్దుబాటవుతాయి. 19, 20, 21 తేదీల్లో విద్యా సంస్థలు, ఏజెన్సీలు, రవాణా రంగాల వారికి అనుకూలం సమయం. సమావేశాలు, చర్చల్లో తొందరపాటు తగదు. 22, 23 తేదీల్లో ఆర్థిక విషయాల్లో సన్నిహితుల సహకారం లభిస్తుంది. విలువైన పత్రాలు అందడంలో ఇబ్బందులు ఎదురవుతాయి. ఆర్థికపరమైన సమావేశాలు ఫలించకపోవచ్చు. 24న రవాణా, బోధన, ఏజెన్సీ రంగాల వారు ఆచితూచి వ్యవహరించాలి. ప్రయాణాల్లో నిదానం అవసరం.

మీనం

షాపింగ్‌, రుణాలు, అదనపు ఆదాయం, వేడుకలకు ఈ వారం అనుకూలం. బుధవారం వేడుకల్లో కీలకపాత్ర పోషిస్తారు. ఆర్థిక పరిస్థితి ప్రోత్సాహకరం. 19, 20, 21 తేదీల్లో దూరప్రయాణాలకు అవసరమైన నిధులు సర్దుబాటవుతాయి. ఆర్థిక వ్యవహారాలకు సంబంధించి కీలక సమాచారం అందుకుంటారు. సినీ, రాజకీయ రంగాల వారు కొంత నిదానం పాటించాలి. 22, 23 తేదీల్లో కొత్త ఆదాయం మార్గాల అన్వేషణ ఫలిస్తుంది. పెట్టుబడుల్లో ఆచితూచి ముందుడుగు వేయాలి. ఆర్థిక విషయాలకు సంబంధించిన నిర్ణయాలు వాయిదా వేయండి. 24న రావలసిన డబ్బు సకాలంలో అందకపోవచ్చు.

Advertisement
Advertisement