సీఎం దృష్టికి తీసుకెళ్లండి.. సబితను కోరిన 1998 డీఎస్సీ సాధన సమితి
ABN , First Publish Date - 2021-07-13T19:41:44+05:30 IST
నల్లగొండ, కరీంనగర్, వరంగల్, ఖమ్మం జిల్లాల 1998 డీఎస్సీ క్వాలిఫైడ్ పిటిషన్ దారులు అందరికీ త్వరగా ఉద్యోగాలిచ్చి న్యాయం చేయాలని డీఎస్సీ సాధన సమితి డిమాండ్ చేసింది.
హైదరాబాద్: నల్లగొండ, కరీంనగర్, వరంగల్, ఖమ్మం జిల్లాల 1998 డీఎస్సీ క్వాలిఫైడ్ పిటిషన్ దారులు అందరికీ త్వరగా ఉద్యోగాలిచ్చి న్యాయం చేయాలని డీఎస్సీ సాధన సమితి డిమాండ్ చేసింది. మంగళవారం నాటి కేబినేట్ సమావేశంలో సీఎం కేసీఆర్ దృష్టికి ఈ విషయాన్ని తీసుకెళ్లాలని అభ్యర్థిస్తూ విద్యాశాఖ మంత్రి సబితా ఇంద్రారెడ్డికి వినతిపత్రం అందజేసింది. అనంతరం మీడియాతో మాట్లాడిన డీఎస్సీ సాధన సమితి రాష్ట్ర అధ్యక్షుడు కె.శ్రీనివాస్ మాట్లాడుతూ.. మంత్రి సానుకూలంగా స్పందించారని తెలిపారు. ముఖ్యమంత్రి దృష్టికి తీసుకు వెళతామని హామీ ఇచ్చినట్టు చెప్పారు.
