80ఏళ్ల వయసులో.. సూట్కేసులు మోస్తూ.. వలసకార్మికులకు సాయం!
ABN , First Publish Date - 2020-06-02T03:53:27+05:30 IST
సాయం చేయాలనే మనసుండాలేగానీ ఎవరైనా సరే ఇతరులకు సహాయం చేయగలరు.
లక్నో: సాయం చేయాలనే మనసుండాలేగానీ ఎవరైనా సరే ఇతరులకు సహాయం చేయగలరు. ఈ విషయాన్ని తన చేతలతో నిరూపిస్తున్నాడు ఉత్తరప్రదేశ్కు చెందిన ముజిబుల్లా అనే కూలీ. 80 ఏళ్ల ముజిబుల్లా.. రైళ్లలో లక్నో చేరుకుంటున్న వలస కార్మికుల సూట్కేసులు ఉచితంగా మోస్తున్నాడు. ఈ ఉచిత సర్వీసుకు ‘ఖిద్మత్’ అని పేరు పిలుస్తున్నాడు. తలపై 50కేజీల వరకూ మోయగలనని చెప్పిన ముజిబుల్లా.. ఇలా సూట్కేసులు మోయడం తన వృత్తని, అది తనకు చాలా ముఖ్యమైందని చెప్తున్నాడు. ఈ విషయం తెలిసిన చాలామంది.. ముజిబుల్లా మంచితనానికి దాసోహం అంటున్నారు.