Abn logo
Jul 7 2020 @ 23:34PM

కర్ణాటకలో కరోనాను జయించిన 96 ఏళ్ల వృద్ధురాలు

బెంగళూరు: కరోనా మహమ్మారి ప్రపంచాన్ని కలవరపెడుతున్న వేళ కర్ణాటకలో 96 సంవత్సరాల ఓ వృద్ధురాలు కరోనాను జయించి బెంబేలెత్తిపోతున్న ప్రజల్లో కొత్త ధైర్యాన్ని నింపింది. బెంగళూరుకు దాదాపు 160 కిలోమీటర్ల దూరంలో ఉన్న హిరియుర్ పట్టణానికి చెందిన 96 ఏళ్ల వృద్ధురాలికి కరోనా సోకింది. ఆమెను చిత్రదుర్గ జిల్లా కోవిడ్ ఆసుపత్రిలో జూన్ 27న చేర్చారు.


ఆమె కరోనా నుంచి కోలుకుని మంగళవారం డిశ్చార్జ్ అయింది. ఆమె కోలుకోవడంపై ఆసుపత్రి సిబ్బంది హర్షం వ్యక్తం చేశారు. ఆమెను గౌరవంగా అంబులెన్స్ ఎక్కించి హిరియుర్‌కు పంపారు. ఢిల్లీలో కూడా 106 సంవత్సరాల వయసున్న ఓ వృద్ధుడు ఇటీవల కరోనా నుంచి కోలుకుని డిశ్చార్జ్ అయిన సంగతి తెలిసిందే. ఇలా కరోనా సోకిన వృద్ధులు తిరిగి కోలుకోవడం కొంత ఊరట కలిగించే విషయం. 

Advertisement
Advertisement
Advertisement