ఏబీఎన్-ఆంధ్రజ్యోతి విలేకరి హేమకు ఐకానిక్ విమెన్ 2020 అవార్డ్

హైదరాబాద్ :  ‘ వుయ్‌ టు ఫౌండేషన్ మరియు మెడికవర్ విమెన్ అండ్ చైల్డ్ హాస్పిటల్స్ సంయుక్తంగా అంతర్జాతీయ మహిళా దినోత్సవాన్ని నిర్వహించారు. వివిధ రంగాల్లో ఉత్తమ ప్రతిభ కనపరిచిన మహిళలకు ‘ఐకానిక్ విమెన్ అవార్డ్ 2020’ ను అందజేశారు. ఈ కార్యక్రమానికి ముఖ్య అతిథిగా ఏబీఎన్-ఆంధ్రజ్యోతి ప్రతినిధి హేమ హాజరై,అవార్డులు అందజేశారు. కోవిడ్ సమయంలో సేవలందించిన మహిళలను సత్కరించారు. ప్రపంచాన్ని కోవిడ్ ఊపేస్తున్నప్పటికీ అత్యంత ధైర్య సాహసాలతో రిపోర్టింగ్ చేసినందుకు హేమకు ‘ఐకానిక్ ఉమెన్ అవార్డు 2020’తో సత్కరించారు. ఈ సందర్భంగా హేమ మాట్లాడుతూ... అన్ని రంగాల్లోనూ మహిళలు ముందంజలో ఉండాలని పిలుపునిచ్చారు. సమాజంలో మహిళ వివిధ రకాల పాత్రలను పోషిస్తుందని, ఆయా పాత్రలను పోషిస్తున్న సందర్భంలో ఆమె చేసిన సేవలను గుర్తించాల్సిన ఆవశ్యకత ఉందని అభిప్రాయపడ్డారు.