కరివేపాకు పప్పు

కావలసిన పదార్థాలు: కరివేపాకు ఆకులు - అర కప్పు, పెసరపప్పు - అర కప్పు, శనగపప్పు - 1 టీ స్పూను, మినప్పప్పు - 1 టీ స్పూను, పసుపు - చిటికెడు, నెయ్యి - అర టేబుల్‌ స్పూను, ఉప్పు - రుచికి తగినంత, మిరియాలపొడి - 1 టీ స్పూను, నీరు ఒకటిన్నర కప్పు, ఎండుమిర్చి - 4, వెల్లుల్లి రేకలు - 6, జీలకర్ర+ఆవాలు - అరస్పూను.
తయారుచేసే విధానం: కుక్కర్‌పాన్‌లో పప్పులన్నిటితోపాటు కరివేపాకు కూడా వేసి దోరగా వేగించి, ఉప్పు, పసుపు, మిరియాలపొడి, నీరు వేసి ఉడికించాలి. తర్వాత నేతిలో ఎండుమిర్చి, వెల్లుల్లి, జీలకర్ర, ఆవాలతో తిరగమోత పెట్టుకోవాలి. వేడి వేడి అన్నంలోకి కరివేపాకు పప్పు ఎంతో రుచిగా ఉంటుంది.