అప్పం

కావాల్సిన పదార్థాలు: బియ్యం - ఒక కిలో, కొబ్బరి తురుము - అర కప్పు, జీలకర్ర - ఒక టీ స్పూను, బొంబాయి రవ్వ - 50 గ్రాములు, ఈస్ట్ట్‌ - 100 గ్రాములు, పంచదార - 10 గ్రాములు, ఉప్పు - తగినంత.
తయారీ విధానం: బియ్యాన్ని ఐదు గంటలసేపు నానబెట్టాలి. ఆ బియ్యాన్ని తరిగిన కొబ్బరి, జీలకర్రలను కలిపి మెత్తగా రుబ్బుకోవాలి. ఇందులో ఉడికించిన బొంబాయి రవ్వ వేసి బాగా కలపాలి. ఇప్పుడు అప్పం తయారుచేయడానికి ఉపయోగించే పిండి తయారైంది. దీనికి ఈస్ట్‌, చక్కెర, ఉప్పు కలపాలి. ఈ మిశ్రమాన్నంతటిని ఒక రాత్రి లేదా 6-8 గంటలు అలాగే ఉంచాలి. ఉదయాన్నే అప్పం వేసే ముందు ఈ మిశ్రమానికి కొద్దిగా నీళ్లు కలుపుకోవాలి. నాన్‌ స్టిక్‌ కడాయ్‌ని బాగా వేడి చేసి ఈ పిండిని కడాయ్‌ మధ్యలో పోయాలి. తర్వాత కడాయిని రెండు చేతులతో పట్టుకుని పిండి కడాయి అంతటా పరుచుకునేలా చేయాలి. పిండి బ్రౌన్‌ కలర్‌ వచ్చే వరకు ఉంచి తీయాలి. వీటిని కొబ్బరిపాలతో గాని, పంచదారతో గాని తింటే బాగుంటాయి.