రొయ్య కబాబ్‌

ABN , First Publish Date - 2015-09-01T20:52:27+05:30 IST

కావలసిన పదార్థాలు: పెద్ద రొయ్యలు - అరకేజి. మొదటిసారి కలపడానికి: ఉల్లిపాయ గుజ్జు -150 గ్రా

రొయ్య కబాబ్‌

కావలసిన పదార్థాలు: పెద్ద రొయ్యలు - అరకేజి. మొదటిసారి కలపడానికి: ఉల్లిపాయ గుజ్జు -150 గ్రా., పసుపు - 1 టీ స్పూను, చింతపండు గుజ్జు- 50 గ్రా., ఉప్పు- కొంచెం. రెండోసారి కలపడానికి: ధనియాల పొడి - 100 గ్రా., జీలకర్ర పొడి - 75 గ్రా., మిరియాల పొడి - 50 గ్రా., కారం - 50 గ్రా., కొబ్బరి తురుము - 50 గ్రా., నెయ్యి - 1 టేబుల్‌ స్పూను.
మూడోసారి కలపడానికి: ఉల్లిపాయ గుజ్జు - 100 గ్రా., చింతపండు గుజ్జు - 100 గ్రా., కారం - 1 టేబుల్‌ స్పూను.
తయారుచేసే విధానం: రొయ్యల్ని శుభ్రం చేశాక మొదటిసారి పదార్థాలన్నీ కలిపి అందులోనే రొయ్యల్ని వేసి 2 గంటలపాటు ఉంచాలి. తర్వాత రొయ్యల్ని కడిగి పెట్టుకోవాలి. రెండోసారి కలిపే పదార్థాలను నేతిలో వేగించి అందులోనే మూడోసారి కలిపే పదార్థాలను కూడా వేసి చిక్కని పేస్టులా తయారుచేసుకోవాలి. రొయ్యల్ని ఈ పేస్టులో 3 గంటలపాటు నానబెట్టి తీసి సన్నని ఊసలకు గుచ్చి బొగ్గులపై దోరగా కాల్చుకోవాలి. బొగ్గులు దొరకని పక్షంలో గ్యాస్‌ స్టౌవ్‌పైన కూడా కాల్చుకోవచ్చు. వీటిని అన్నంతో పాటు నంజుకుంటే చాలా రుచిగా ఉంటాయి.

Updated Date - 2015-09-01T20:52:27+05:30 IST