ఉల్లిపాయ టమోటా పచ్చడి

కావలసిన పదార్థాలు: తరిగిన టమోటోలు - 2 కప్పులు, (సాంబారులో వాడే) చిన్న ఉల్లిపాయ తరుగు - అరకప్పు, పెద్దఉల్లిపాయ తరుగు - అరకప్పు, పచ్చిమిర్చి - 1, ఇంగువ - పావు టీ స్పూను, పసుపు - అర టీ స్పూను, నువ్వుల నూనె - 1 టేబుల్‌ స్పూను, ఉప్పు - రుచికి తగినంత, ఆవాలు - అర టీ స్పూను, కొత్తిమీర తరుగు - 1 టేబుల్‌ స్పూను, కరివేపాకు - 4 రెబ్బలు.
తయారుచేసే విధానం: కడాయిలో నూనె వేసి రెండు రకాల ఉల్లి తరుగులు మెత్తబడేదాకా వేగించుకోవాలి. తర్వాత టమోటా, పచ్చిమిర్చి, పసుపు, ఇంగువ వేసి టమోటోలోని నీరంతా ఇగిరేదాకా సన్నని మంటపై మగ్గించాలి. చల్లబడ్డాక ఉప్పు జతచేసి గ్రైండు చేసుకోవాలి. తర్వాత 1 టీ స్పూను నువ్వుల నూనెలో ఆవాలు, కరివేపాకు, కొత్తిమీరలతో తాలింపు పెట్టుకుని ఉల్లి, టమోటా మిశ్రమంలో కలపాలి. ఈ పచ్చడి వేడి వేడి ఇడ్లీలతో, దోశలతో చాలా బాగుంటుంది.