చికెన్ రోటీ రోల్
ABN , First Publish Date - 2015-08-30T17:49:18+05:30 IST
కావలసిన పదార్థాలు: బోన్లెస్ చికెన్ బ్రెస్టు - పావుకేజి, ఆలివ్ నూనె - 1 టీస్పూను, తరిగిన ఉల్లిపాయ -1
కావలసిన పదార్థాలు: బోన్లెస్ చికెన్ బ్రెస్టు - పావుకేజి, ఆలివ్ నూనె - 1 టీస్పూను, తరిగిన ఉల్లిపాయ -1, తరిగిన వెల్లుల్లి - అరస్పూను, మిరియాలపొడి, ఉప్పు రుచికి తగినంత, రోటీలు -2, ఎరుపు, ఆకుపచ్చ రంగుల్లోని క్యాప్సికం - ఒక్కొక్కటి.
తయారుచేసే విధానం: కడాయిలో నూనె వేడిచేసి, గుండ్రంగా తరిగిన క్యాప్సికం ముక్కలు, ఉల్లిపాయలు, వెల్లుల్లి ముక్కలు వేసి 5 నిమిషాలపాటు వేగించాలి. చిన్నముక్కలుగా తరిగిన చికెన్ను కూడా వేసి ఉడికించాలి. దించేముందు ఉప్పు, మిరియాల పొడి వేయాలి. ఈ కూరని రోటీలో సమానంగా పరుస్తూ రోల్స్గా చుట్టాలి. వీటిని స్పింగురోల్స్లా కట్ చేసుకుని కూడా తినొచ్చు.