మునక్కాడల కూటు కర్రీ
ABN , First Publish Date - 2018-03-31T21:29:21+05:30 IST
మునక్కాడ - ఒకటి (ముక్కలు చేసి), పచ్చిమామిడికాయ - ఒకటి (తొక్కు తీసి, కాస్త పెద్దముక్కలు...
కావలసినవి
మునక్కాడ - ఒకటి (ముక్కలు చేసి), పచ్చిమామిడికాయ - ఒకటి (తొక్కు తీసి, కాస్త పెద్దముక్కలు తరిగి), పచ్చిమిర్చి - ఒకటి, ఉప్పు - రుచికి సరిపడా, మినపగుండ్లు - అర కప్పు (అరగంట నానబెట్టాలి), పసుపు - పావు టీస్పూను, మంచి నీళ్లు- కొన్ని.
కొబ్బరి పేస్టు కోసం: తాజా కొబ్బరి తరుగు - పావు కప్పు, జీలకర్ర - ఒక టీస్పూను, పచ్చిమిర్చి - రెండు, నీళు ్ల- రెండున్నర టేబుల్‌స్పూన్లు.
తాలింపు కోసం: నూనె - ఒకటిన్నర స్పూను, ఆవాలు, మినపగుండ్లు ఒక్కొక్కటీ పావు టీస్పూను చొప్పున, ఎండుమిర్చి- రెండు, కరివేపాకు- ఒక రెబ్బ.
తయారీవిధానం
మునక్కాడ ముక్కలు, మినప గుండ్లు, మామిడిముక్కలు, రెండు కప్పుల నీళ్లు, ఉప్పు, పసుపు అన్నింటినీ కలిపి కుక్కర్‌లో నాలుగు విజిల్స్‌ వచ్చే వరకూ ఉడికించాలి.
కొబ్బరి, పచ్చిమిర్చి, జీలకర్ర, నీళ్లు మిక్సీలో వేసి మెత్తగా గ్రైండ్‌ చేయాలి. పప్పు, మునక్కాడలు, మామిడికాయ మిశ్రమంలో కొబ్బరి కలిపి నాలుగు నిమిషాలు ఉడికించాలి. తగినంత ఉప్పు వేయాలి. నూనె వేడిచేసి ఆవాలు, మినపప్పు, ఎండుమిర్చి, కరివేపాకులతో తాలింపు వేస్తే కర్రీ రెడీ.
Updated Date - 2018-03-31T21:29:21+05:30 IST
