కన్వర్టర్ అమ్మేందుకు ఫేస్‌బుక్‌లో ఫొటో.. దానిని చూసి నిర్ఘాంతపోయిన పోలీసులు.. అదేంటో మీరూ కనిపెట్టండి చూద్దాం..

ABN , First Publish Date - 2021-10-06T14:11:20+05:30 IST

ప్రస్తుతం ఇంట్లోని సెకెండ్‌హ్యాండ్ వస్తువులను...

కన్వర్టర్ అమ్మేందుకు ఫేస్‌బుక్‌లో ఫొటో.. దానిని చూసి నిర్ఘాంతపోయిన పోలీసులు.. అదేంటో మీరూ కనిపెట్టండి చూద్దాం..

ప్రస్తుతం ఇంట్లోని సెకెండ్‌హ్యాండ్ వస్తువులను ఆన్‌లైన్‌లో విక్రయిస్తున్నారు. ముఖ్యంగా సోషల్ మీడియాలో ఆయా వస్తువుల ఫొటోలను ఉంచి, వాటిని అమ్మేందుకు ప్రయత్నిస్తున్నారు. ఈ నేపధ్యంలో కొన్ని సందర్భాల్లో మోసాలు జరుగుతుండటంతో పాటు పొరపాట్లు కూడా చోటుచేసుకుంటున్నాయి. అమెరికాకు చెందిన ఒక వ్యక్తి తన ఇంటిలోని సామానును ఆన్‌లైన్‌లో విక్రయించే ఉత్సాహంలో చిక్కు్ల్లో పడ్డాడు. తన ఇంటిలోని సామాను విక్రయించేందుకు ఆ వ్యక్తి ఫేస్‌బుక్ వినియోగించాడు. తాను విక్రయించాలనుకుంటున్న వస్తువుకు సంబంధించిన ఫొటోను పోస్టు చేశాడు. 


అయితే ఈ సమయంలో జరిగిన పొరపాటు అతనిని జైలుకు వెళ్లేలా చేసింది. ఆ వ్యక్తి తాను విక్రయించాలనుకున్న వస్తువుకు సంబంధించిన ఫొటోలో మరో వస్తువు కూడా కనిపిస్తోంది. దీనిని పోలీసులు గమనించారు. అంతే వెంటనే అతని ఇంటికి వచ్చి, అతనిని అరెస్టు చేసి, తమతొపాటు తీసుకెళ్లారు. ఈ అనుభవం అమెరికాకు చెందిన జేమ్స్ కెర్ట్జ్‌కు ఎదురయ్యింది. అతను ఆన్‌లైన్‌లో క్యాటలాటిక్ కన్వర్టర్ విక్రయించాలనుకున్నాడు.


ఇందుకోసం ఆ వస్తువుకు ఫొటో తీసి ఫేస్‌బుక్‌లోని మార్కెట్ ప్లేస్‌లో షేర్ చేశాడు. అయితే ఈ ఫొటో కారణంగా ప్రస్తుతం ఆ వ్యక్తి జైలులో ఊచలు లెక్కిస్తున్నాడు. ఆ ఫొటోను చూసిన పోలీసులు ఆ ఫొటోలో మరొక వస్తువు ఉండటాన్ని కూడా గమనించారు. అంతే... వెంటనే అతని ఇంటిని వెతుక్కుంటూ పరుగుపరుగున వచ్చి అతనిని తీసుకెళ్లి జైలులో పడేశారు.  ఆ ఫొటోను పరిశీలనగా గమనించిన పోలీసులకు దానిలో డ్రగ్స్ ప్యాకెట్ కనిపించింది. ఇదే అతని కొంపముంచింది. అతనిపై కేసు నమోదు చేసిన పోలీసులు దర్యాప్తు చేస్తున్నారు.

Updated Date - 2021-10-06T14:11:20+05:30 IST