ఆదిత్యుని వార్షిక కల్యాణోత్సవాలకు శ్రీకారం
ABN , First Publish Date - 2021-04-20T05:28:00+05:30 IST
ప్రత్యక్ష దైవం ఆదిత్యుని వార్షిక కల్యాణోత్సవాలకు సోమవారం సాయంత్రం 6.30 గంటలకు అంకురార్పణ జరిగింది. పతాకావిష్కరణ, సకల దేవతాహ్వానం, దిగ్బలి, విశేష అర్చన, హారతి తదితర కార్యక్రమాలు ప్రధానర్చకుడు ఇప్పిలి శంకరశర్మ ఆధ్వర్యంలో నిర్వహించారు.
గుజరాతీపేట : ప్రత్యక్ష దైవం ఆదిత్యుని వార్షిక కల్యాణోత్సవాలకు సోమవారం సాయంత్రం 6.30 గంటలకు అంకురార్పణ జరిగింది. పతాకావిష్కరణ, సకల దేవతాహ్వానం, దిగ్బలి, విశేష అర్చన, హారతి తదితర కార్యక్రమాలు ప్రధానర్చకుడు ఇప్పిలి శంకరశర్మ ఆధ్వర్యంలో నిర్వహించారు. ఈ నెల 22న సాయంత్రం 7 గంటలకు సుగంధ ద్రవ్య మర్ధన (కొట్నం దంపు), 23న సాయంత్రం 7 గంటలకు స్వామివారిని వెండి అశ్వ వాహనాలపై తిరువీధి నిర్వహించనున్నట్టు ఆయన తెలి పారు. అనంతరం రాత్రి 9 గంటలకు స్వామివారి కల్యాణం ఉంటుందన్నారు. ఆలయ అనివెట్టి మండపంలోను, గరుడ ధ్వజస్తంభాల వద్ద ప్రత్యేక అలంకరణ ఏర్పాట్లు చెప్పారు. రూ.500 చెల్లించి రశీదు పొందిన భక్తుల గోత్రనామాలతో కల్యాణ మహోత్సవాన్ని నిర్వహిస్తామని ఈవో హరిసూర్యప్రకాష్‌ తెలిపారు.
