Advertisement
Advertisement
Abn logo
Advertisement
Sep 11 2021 @ 06:46AM

ఆ తాలిబన్ మంత్రులు... ఎక్కడ చదువుకున్నారో తెలిస్తే షాకవుతారు!

కాబుల్: తాలిబన్లు కాబుల్‌ను కబ్జా చేసిన తరువాత ప్రపంచం వారి అకృత్యాలపై దృష్టిసారించింది. అఫ్ఘానిస్తాన్‌ను తాలిబన్లు ఆక్రమించుకున్నాక పొరుగుదేశం పాకిస్తాన్ మరింత యాక్టివ్‌గా కనిపిస్తోంది. పాకిస్తాన్ గూఢచార సంస్థ ఐఎస్ఐ చీఫ్ కాబూల్‌లో పర్యటనలు చేస్తుండగా, పంజ్‌షీర్‌పై పాకిస్తాన్ యుద్ధ విమానాలతో దాడులు జరిగినట్లు ఆరోపణలు వినిపించాయి. ఇప్పుడు తాలిబాన్లకు పాక్‌తో ఉన్న కనెక్షన్ గురించి ఒక దిగ్భ్రాంతికర విషయం వెలుగులోకి వచ్చింది. 

మోస్ట్ వాంటెడ్ అంతర్జాతీయ ఉగ్రవాదులతో తాలిబాన్ క్యాబినెట్ ఏర్పడింది. ముల్లా మొహమ్మద్ హసన్ ప్రపంచ తీవ్రవాదుల జాబితాలో ఉన్నాడు. ఆఫ్ఘనిస్తాన్ ప్రధానమంత్రి అయిన ఈయనను అప్పుడు యూఎన్ భద్రతా మండలి నిషేధించింది. తాలిబన్ ప్రభుత్వంలో అంతర్గత వ్యవహారాల మంత్రిగా బాధ్యతలు చేపట్టిన సిరాజుద్దీన్ హక్కానీ తలపై అమెరికా ప్రభుత్వం రూ. 73 కోట్ల రివార్డు ప్రకటించింది. మీడియాకు అందిన సమాచారం ప్రకారం... తాలిబన్ క్యాబినెట్‌లో స్థానం సంపాదించిన మంత్రులలో ఐదుగురు పాకిస్థాన్‌లోని పెషావర్‌లో గల హక్కానియా మదరసాలో చదువుకున్నారు. ఇది పాక్‌లో ప్రముఖ మదరసాగా పేరొందింది. సంప్రదాయ సైనిక శిక్షణ విషయంలో పేరొందిన ఈ మదరసా... అఫ్ఘానిస్తాన్‌ను సోవియట్ ఆక్రమించుకున్నాక అక్కడి రాజకీయాల్లోనూ కీలక పాత్ర పోషిస్తూ వస్తోంది. ఈ మదరసాను పాకిస్తాన్ జిహాదీ యూనివర్సిటీ అని కూడా అంటారు. ఈ మదరసా పేరు జామియా దారుల్ ఉలూమ్ హక్కానియా అకోడా ఖటక్. ఇది పాకిస్తాన్‌లోని పెషావర్‌లో ఉంది. తాలిబన్ క్యాబినెట్‌లో కొత్తగా బాధ్యతలు స్వీకరించిన ముల్లా అబ్దుల్ లతీఫ్ మన్సూర్ (జలవనరులు, విద్యుత్ శాఖ మంత్రి), మౌలానా అబ్దుల్ బాకీ (ఉన్నత విద్యాశాఖ మంత్రి), నజీబుల్లా హక్కానీ (సమాచార మరియు ప్రసారశాఖ మంత్రి), మౌలానా నూర్ మొహమ్మద్ సాకిబ్ (హజ్ మంత్రి), అబ్దుల్ హకీం సహ్రాయ్ (న్యాయ మంత్రి) తదితరులు ఈ జిహాదీ యూనివర్శిటీలోనే చదువుకున్నారు.


Advertisement
Advertisement