ఇంటింటికి ఆనందయ్య మందు పంపిణీ
ABN , First Publish Date - 2021-06-18T03:35:07+05:30 IST
విడవలూరు పంచాయతీ పరిధిలోని ప్రతి ఇంటి సభ్యులకు ఉచితంగా ఆనందయ్య ఆయుర్వేద మందు పంపిణీ చేయనున్నట్లు పూండ్ల సోదరులు హరనాథ్రెడ్డి, అచ్యుత్రెడ్డి తెలిపారు.
విడవలూరు, జూన్ 17: విడవలూరు పంచాయతీ పరిధిలోని ప్రతి ఇంటి సభ్యులకు ఉచితంగా ఆనందయ్య ఆయుర్వేద మందు పంపిణీ చేయనున్నట్లు పూండ్ల సోదరులు హరనాథ్రెడ్డి, అచ్యుత్రెడ్డి తెలిపారు. విడవలూరులో గురువారం జరిగిన మందు పంపిణీ కార్యక్రమంలో ఆనందయ్య మేనల్లుడు బాలు పాల్గొని ఈ కార్యక్రమాన్ని ప్రారంభించారు. ఈ సందర్భంగా పూండ్ల సోదరులు మాట్లాడుతూ పెద్ద మనస్సుతో మందు తయారు చేసి ఇచ్చిన ఆనందయ్యకు కృతజ్ఞతలు తెలిపారు. తమ తండ్రి శివకోటారెడ్డి జ్ఞాపకారఽ్థంగా గ్రామంలోని సుమారు 1500 కుటుంబాలకు ఆయుర్వేద మందును పంపిణీ చేస్తున్నామని తెలిపారు. ఈ క్రమంలో కరోనా నిబంధనలను పాటిస్తూ జాగ్రత్తగా ఉండాలన్నారు. కార్యక్రమంలో వైసీపీ నాయకులు బెజవాడ గోవర్ధన్రెడ్డి, పాశం శ్రీహరిరెడ్డి, కాటంరెడ్డి నవీన్రెడ్డి, గ్రామపెద్దలు పాల్గొన్నారు.