పెద్దదిక్కు కోల్పోయిన మహిళలకు అండగా షర్మిల
ABN , First Publish Date - 2021-05-15T08:32:24+05:30 IST
కరోనా సోకి కుటుంబంలోని పెద్దదిక్కును కోల్పోయిన మహిళలకు సాయం చేసేందుకు ‘‘ఆపదలో తోడుగా వైఎస్ఎస్ఆర్(వైఎస్ షర్మిలారెడ్డి)’’ అని ఒక కార్యక్రమాన్ని షర్మిల చేపట్టారు.
ఆపదలో తోడుగా వైఎస్ఎస్ఆర్
సాయం కోసం 040-48213268
హైదరాబాద్, మే 14(ఆంధ్రజ్యోతి): కరోనా సోకి కుటుంబంలోని పెద్దదిక్కును కోల్పోయిన మహిళలకు సాయం చేసేందుకు ‘‘ఆపదలో తోడుగా వైఎస్ఎస్ఆర్(వైఎస్ షర్మిలారెడ్డి)’’ అని ఒక కార్యక్రమాన్ని షర్మిల చేపట్టారు. పెద్దదిక్కును కోల్పోయిన మహిళలు తమ కాళ్లపై తాము నిలబడేందుకు తన వంతు సాయం చేయాలనుకుంటున్నట్లు శుక్రవారం ఆమె ఒక ప్రకటనలో తెలిపారు. రాష్ట్రంలో అలాంటి మహిళలు ఎవరైనా ఉంటే 040-48213268 నెంబర్కు ఫోన్ చేసి సమాచారం ఇవ్వాలని కోరారు. ఉమ్మడి ఏపీకి సీఎంగా వైఎస్ఆర్ ప్రమాణ స్వీకారం చేసిన మే 14న ఆయన స్ఫూర్తిగా ఈ కార్యక్రమాన్ని ప్రారంభిస్తున్నట్లు వెల్లడించారు. జనం ఆపదలో ఉన్నప్పుడు తలుచుకునే ఒకే ఒక్క పేరు వైఎ్సఆర్ అని, ఆయన ఉండి ఉంటే కరోనా బాధితుల కోసం ఎంతో చేసేవారన్నారు. రాజన్న సంక్షేమ పాలన మళ్లీ రాబోతోందని పేర్కొన్నారు. దాని కోసం తాను నిలబడి కొట్లాడతానన్నారు.