జాబ్ క్యాలెండర్ పేరుతో నిరుద్యోగుల జీవితాలతో చలగాటం

ABN , First Publish Date - 2021-06-22T18:26:17+05:30 IST

జాబ్ క్యాలెండర్..

జాబ్ క్యాలెండర్ పేరుతో నిరుద్యోగుల జీవితాలతో చలగాటం

తెలుగుయువత


తెనాలి: జాబ్ క్యాలెండర్ అంటూ మాయ క్యాలెండర్ విడుదల చేసి నిరుద్యోగుల జీవితాలతో సీఎం జగన్మోహన్‌రెడ్డి చలగాటమాడుతున్నారని తెలుగు యువత నాయకులు పాలడుగు ప్రణీత్ విమర్శించారు. సోమవారం పట్టణంలోని టీడీపీ కార్యాలయంలో ఏర్పాటు చేసిన విలేకరుల సమావేశంలో ప్రణీత్ మాట్లాడారు. రాష్ట్ర వ్యాప్తంగా నిరుద్యోగులు ఉద్యోగాల కల్పనపై వేలాది రూపాయలు కోచింగ్‌లకు ఖర్చు చేసి సొంత గ్రామాలకు వెళ్లి తల్లిదండ్రులకు మొహం చూపించుకోలేని పరిస్థితి ఏర్పడిందన్నారు. రాష్ట్రంలో లక్షల మంది నిరుద్యోగులు ఉద్యోగాల కోసం పరీక్షలకు సిద్ధమవుతున్న తరుణంలో రాష్ట్ర ప్రభుత్వం జాబ్ క్యాలెండర్ అంటూ పదివేల పోస్టులను విడతల వారీగా భర్తీ చేస్తామని ప్రకటించడంతో నిరుద్యోగ లోకం విస్మయానికి గురైందన్నారు. రాష్ట్ర ప్రభుత్వం ప్రకటించిన గ్రూప్ 1,2 పోస్టుల సంఖ్యపెంచి తక్షణమే నిరుద్యోగులకు న్యాయం చేయాలని డిమాండ్ చేశారు. శ్రీధర్, దినేష్, గుమ్మడి భార్గవ్, పూర్ణ, అజయ్ తదితరులు పాల్గొన్నారు.

Updated Date - 2021-06-22T18:26:17+05:30 IST