పారదర్శకంగా సచివాలయ పరీక్షలు: మంత్రులు

వచ్చే నెల 20 నుంచి నిర్వహించనున్న సచివాలయ ఉద్యోగుల రాత పరీక్షలను పారదర్శకంగా నిర్వహించాలని మంత్రులు పెద్దిరెడ్డి రామచంద్రారెడ్డి, బొత్స సత్యనారాయణ అధికారులను ఆదేశించారు. బుధవారం అన్ని జిల్లాల కలెక్టర్లతోనూ వీడియో కాన్ఫరెన్స్‌ నిర్వహించారు. వారం రోజులు నిర్వహించే ఈ పరీక్షలకు 10 లక్షల మంది అభ్యర్థులు హాజరవుతారని అంచనా వేస్తున్నారు. భౌతికదూరం పాటించడం, మాస్కులు ధరించడం వంటి నియమాలను ఖచ్చితంగా అమలు చేయాలని మంత్రులు ఆదేశించారు. కాన్ఫరెన్స్‌లో పంచాయతీరాజ్‌ శాఖ ముఖ్యకార్యదర్శి గోపాలకృష్ణ ద్వివేది, కమిషనర్‌ గిరిజాశంకర్‌, అధికారులు పాల్గొన్నారు.