యాపిల్ ఫోన్ కంటే రేటెక్కువ.. కొంటే మడతడిపోద్ది!
ABN , First Publish Date - 2020-03-17T23:17:47+05:30 IST
ఫోల్డింగ్ ఫోన్ ఫోల్డింగ్ ఫోన్ అంటూ ఈ మధ్య విపరీతంగా ప్రచారంలోకి వచ్చిన మోటో రేజర్ ( Moto Razr ) ఫోన్ మొత్తానికి మార్కెట్లోకి వచ్చింది.
ఫోల్డింగ్ ఫోన్ ఫోల్డింగ్ ఫోన్ అంటూ ఈ మధ్య విపరీతంగా ప్రచారంలోకి వచ్చిన మోటో రేజర్ ( Moto Razr ) ఫోన్ మొత్తానికి మార్కెట్లోకి వచ్చింది. లోపల ఒక స్క్రీన్ ... మధ్యకి మడతపెడితే పైన మరో స్క్రీన్.. మంచి లుక్కు... గట్టి ఫీచర్లూ... అంతా బాగానే ఉంది. కానీ రేటు చూస్తేనే ఆకాశంలో ఉంది. ఓ రకంగా చెప్పాలంటే యాపిల్ ఫోన్ని తలదన్నేలా ఉంది. మోటో రేజర్ ( Moto Razr ) ఫోన్ ఖరీదెంతో తెలుసా? దాదాపు లక్షా పాతికవేల రూపాయలు!
ఇప్పటివరకూ శామ్సంగ్, హ్యువావీ లాంటి బ్రాండ్స్ నించి ఫోల్డబుల్ ఫోన్లు వచ్చాయి. అయితే ఈ మోటో రేజర్ వాటన్నిటికంటే - ఫీచర్ల విషయంలో ఎలా ఉన్నా రేటు విషయంలో ముందుంది.
ఆ మధ్య సినెట్ టెక్నాలజీ వాళ్లు ఈ ఫోన్ని ఫోల్డ్ బాట్ అనే యంత్రంలో పెట్టి ఈ ఫోన్ ని టెస్ట్ చేశారు. 27 వేల సార్లవరకూ మాత్రమే ఈ ఫోన్ని మడత పెట్టగలం అని ఆ ప్రయోగంలో తేలింది. అయినప్పటికీ ఈ ఫోన్ పట్ల జనం క్రేజీగానే ఉండడం విశేషం.