నేటినుంచే ఆర్చరీ ప్రపంచకప్
ABN , First Publish Date - 2021-04-20T10:51:19+05:30 IST
ఏడాదిన్నర విరామం తర్వాత ప్రపంచ ఆర్చర్లంతా మళ్లీ పోటీల బరిలోకి దిగుతున్నారు. కరోనా వైర్సతో 2020 టోర్నీలన్నీ తుడిచిపెట్టుకుపోగా..
గ్వాటెమెలా సిటీ: ఏడాదిన్నర విరామం తర్వాత ప్రపంచ ఆర్చర్లంతా మళ్లీ పోటీల బరిలోకి దిగుతున్నారు. కరోనా వైర్సతో 2020 టోర్నీలన్నీ తుడిచిపెట్టుకుపోగా.. మంగళవారం ఇక్కడ ప్రారంభమయ్యే ప్రపంచకప్ మొదటి దశలో ఆర్చర్లు అదృష్టాన్ని పరీక్షించుకుంటున్నారు. ఇక భారత్ నుంచి రికర్వు జట్లు మాత్రమే పాల్గొంటున్నాయి. ఈ టోర్నీలో కాంపౌండ్ జట్లు కూడా తలపడాల్సి ఉంది. కానీ కోచ్ గౌరవ్ కొవిడ్ పాజిటివ్గా తేలడంతో చివరి నిమిషంలో టోర్నమెంట్ నుంచి కాంపౌండ్ జట్లు వైదొలగాయి.