Advertisement

క్రైమ్‌ థ్రిల్లర్‌ ఆధారంగా

నూతన నటీనటులతో సస్పెన్స్‌ థ్రిల్లర్‌గా తెరకెక్కిన చిత్రం ‘ఆధారం’. సూర్య భరత్‌ చంద్ర, రేణుశ్రీ, నిరుషా హీరో, హీరోయిన్లుగా నటించారు. గోపి పోలవరపు స్వీయ దర్శకత్వంలో నిర్మించారు. ఇటీవలె ఈ చిత్రం ట్రైలర్‌ను నిర్మాత సి. కల్యాణ్‌ విడుదల చేసి, సినిమా విజయం సాధించాలని ఆకాంక్షించారు. ఈ సందర్భంగా గోపి పోలవరపు మాట్లాడుతూ ‘‘ప్రతిభావంతులైన కొత్త నటీనటులకు అవకాశాలు కల్పించాలని ఈ సినిమా చేస్తున్నాను. క్రైమ్‌ థ్రిల్లర్‌ నేపథ్యంలో ఈ చిత్రం తెరకెక్కింది. సంగీత దర్శకుడు నజీర్‌ అందించిన రెండు పాటలు సినిమాకు ప్రత్యేకాకర్షణ’’ అన్నారు. మోహన్‌బాబు తొలిసారి హీరోగా నటించిన ‘కేటుగాడు’ చిత్ర నిర్మాత వల్లూరి పల్లి వెంకట్రావు తనయ సితార ఈ సినిమాకు సమర్పకురాలు.


Advertisement