Abn logo
Oct 14 2021 @ 23:33PM

పూల జాతర

ఘనంగా సద్దుల బతుకమ్మ 


జిల్లాలో సద్దుల బతుకమ్మ సంబురాలను గురువారం ఘనంగా నిర్వహించారు. ఎంగిలి పూల బతుకమ్మతో మొదలైన సందడి గురువారం సద్దుల వేడుకలతో ముగిసింది. తీరొక్క పూలతో పేర్చిన బతుకమ్మలతో వీధులు పూల వనంగా మారాయి. మహిళలు, యువతులు, చిన్నారులు నూతన వస్త్రాలను ధరించి బతుకమ్మ చుట్టూ తిరుగుతూ ఆడిపాడారు. అనంతరం చెరువుల్లో నిమజ్జనం చేశారు. సిద్దిపేట కోమటిచెరువు విద్యుదీపాల వెలుగులతో ఆకట్టుకున్నది. లేజర్‌ లైట్‌ మ్యూజికల్‌ ఫౌంటెన్‌ షో గార్డెన్‌ ఆకర్షణీయంగా నిలిచింది. రాష్ట్ర ఆర్థిక శాఖ మంత్రి తన్నీరు హరీశ్‌రావు సతీమణి శ్రీనిత, సిద్దిపేట మున్సిపల్‌ చైర్‌పర్సన్‌ మంజుల, పలువురు మహిళా కౌన్సిలర్లు, టీఆర్‌ఎస్‌ మహిళా నాయకులు స్థానిక మంత్రి క్యాంపు కార్యాలయం వద్ద బతుకమ్మ ఆడారు. అనంతరం కోమటి చెరువులో నిమజ్జనం చేశారు. క్యాంపు కార్యాలయం వద్ద అందంగా బతుకమ్మను పేర్చిన మహిళలకు మంత్రి హరీశ్‌రావు తన సతీమణితో కలిసి బహుమతులను అందజేశారు. 

- సిద్దిపేట రూరల్‌