పెనగలూరు తహసీల్దారుకు ఉత్తమ ఎన్నికల అధికారి అవార్డు
ABN , First Publish Date - 2022-01-26T05:28:48+05:30 IST
పెనగలూరు మండల తహసీల్దారు శ్రీధర్‌రావు ఉత్తమ ఎన్నికల అధికారిగా అవార్డును అందుకున్నారు.
పెనగలూరు, జనవరి 25 : పెనగలూరు మండల తహసీల్దారు శ్రీధర్‌రావు ఉత్తమ ఎన్నికల అధికారిగా అవార్డును అందుకున్నారు. మంగళవారం జాతీయ ఓటర్ల దినోత్సవాన్ని పురస్కరించుకొని రాష్ట్ర సచివాలయంలో ఈ అవార్డును అందుకున్నట్లు ఆయన తెలిపారు. ఓటర్ల జాబితా సక్రమ నిర్వహణతో పాటు గత ఏడు జరిగిన బద్వేల్‌ ఉప ఎన్నికల్లో అందించిన ఉత్తమ సేవలకు జిల్లాలో ఒక ఆర్‌వో, ఒక ఏఆర్‌వోలను ప్రభుత్వం అవార్డులకు ఎంపిక చేసింది. ఉత్తమ ఆర్‌వోగా కడప ఆర్డీవో అందుకోగా, ఉత్తమ ఏఆర్‌వోగా తనను ఎంపిక చేసిందన్నారు. తనకు ఉత్తమ ఏఆర్‌వో అవార్డుకు ఎంపిక చేసిన కలెక్టరు, రాజంపేట సబ్‌కలెక్టర్లకు ఆయన ధన్యవాదాలు తెలిపారు.
