ప్రైవేటు రంగానికి టీకా సరఫరాను పెంచనున్న భారత్ బయోటెక్!

ABN , First Publish Date - 2021-06-24T04:51:37+05:30 IST

వచ్చే నెల నుంచి భారత్ బయోటెక్ ప్రైవేటు రంగానికి టీకా సరఫరాను 25 శాతానికి పెంచనున్నట్టు తెలుస్తోంది.

ప్రైవేటు రంగానికి టీకా సరఫరాను పెంచనున్న భారత్ బయోటెక్!

హైదరాబాద్: వచ్చే నెల నుంచి భారత్ బయోటెక్ టీకా సంస్థ ప్రైవేటు రంగానికి వ్యాక్సిన్ సరఫరాను 25 శాతానికి పెంచనున్నట్టు తెలుస్తోంది. ఈ మేరకు కంపెనీ ప్రతినిధి ఒకరు కీలక వ్యాఖ్యలు చేశారు. ‘‘జనవరి నుంచీ మేం ప్రైవేటు రంగానికి ప్రతినెల పది శాతానికి లోపే కొవ్యాక్సిన్ టీకాలను సరఫరా చేస్తున్నాం. ఇటీవల ఈ సరఫరాను 25 శాతానికి పెంచాలని ప్రభుత్వం సూచించింది. కాబట్టి..వచ్చే నెల నుంచీ టీకా ఉత్పత్తి, పంపిణీ ప్రణాళికలను సవరిస్తాం. ఈ క్రమంలో టీకా సరఫరా 25 శాతానికి పెరగొచ్చు’’ అని భారత్ బయోటెక్ అధికారి ఒకరు వ్యాఖ్యానించారు. ప్రస్తుతం ప్రైవేటు ఆస్పత్రుల్లో కొవ్యాక్సిన్ ధర రూ. 1200గా ఉన్నట్టు తెలుస్తోంది. 

Updated Date - 2021-06-24T04:51:37+05:30 IST