తుఫాన్ సాయంతో సరికొత్త రికార్డు సాధించిన ఎయిర్‌లైన్స్ సంస్థ

లండన్: న్యూయార్క్ నుంచి లండన్ వెళ్లాలంటే సాధారణంగా ఆరు గంటలు పడుతుంది. అయితే కియారా తుఫాన్ పూణ్యమా అని బ్రిటీష్ ఎయిర్ వేస్‌కు చెందిన ఓ బోయింగ్ విమానం కేవలం 4 గంటల 56 నిమిషాల్లో ఈ జర్నీ పూర్తి చేసేసింది. గంటకు 1290 కిలోమీటర్ల వేగంతో ప్రయాణించి ఈ ఫీట్ సాధించింది. అత్యంత తక్కువ సమయంలో ఈ ప్రయాణం పూర్తి చేసిన సంస్థగా రికార్డు నెలకొల్పింది. వేగంగా వీచే తుఫాను గాలుల ఆలంబనగా ఆ బోయింగ్ విమానం గమ్యస్థానంవైపు దూసుకుపోయిందని తెలుస్తోంది. శనివారం న్యూయార్క్‌ నుంచి బయలుదేరిన ఈ విమానం బ్రిటన్ కాలమానం ప్రకారం రాత్రి 11.30కు హీత్రూ ఎయిర్‌పోర్టుకు చేరుకుంది.