ఔషధం లభ్యత పెంపుపై కేంద్రం ప్రణాళిక
ABN , First Publish Date - 2021-05-19T08:19:45+05:30 IST
బ్లాక్‌ఫంగ్‌స చికిత్సలో ఉపయోగపడే ఆంఫోటెరిసిన్‌-బీ లభ్యత పెంపుపై కేంద్రం ప్రణాళిక రూపొందిస్తోంది. ఈ ఔషధం లభ్యత, సరఫరా పెంపును సమీక్షించినట్టు కేంద్రమంత్రి మన్సుఖ్‌ మాండవీయ ట్వీట్‌ చేశారు.
న్యూఢిల్లీ, మే 18 : బ్లాక్‌ఫంగ్‌స చికిత్సలో ఉపయోగపడే ఆంఫోటెరిసిన్‌-బీ లభ్యత పెంపుపై కేంద్రం ప్రణాళిక రూపొందిస్తోంది. ఈ ఔషధం లభ్యత, సరఫరా పెంపును సమీక్షించినట్టు కేంద్రమంత్రి మన్సుఖ్‌ మాండవీయ ట్వీట్‌ చేశారు. దేశీయ ఉత్పత్తిని గణనీయంగా పెంచేలా ఉత్పత్తిదారులతో కలిసి ప్రణాళికను రూపొందించామని తెలిపారు. విదేశాల నుంచి దిగుమతినీ పరిశీలించామన్నారు. సరఫరాను పెంచామని, ఒక్కసారిగా డిమాండ్‌ పెరిగిందని చెప్పారు. రోగులకు అందుబాటులో ఉంచుతామని స్పష్టం చేశారు.
