ఒరెగాన్​లో కార్చిచ్చు.. 10వేల ఎకరాల అటవీ భూమి దగ్ధం!

ABN , First Publish Date - 2021-07-02T19:30:49+05:30 IST

అమెరికాలోని ఒరెగాన్​లో కార్చిచ్చు కల్లోలం సృష్టిస్తోంది. భారీగా ఎగసిపడుతున్న అగ్నికీలల ధాటికి 10వేల ఎకరాల అటవీ భూమి దగ్ధమైంది. దీంతో రంగంలోకి దిగిన 40 మంది అగ్నిమాపక సిబ్బంది, 12 అగ్నిమాపక యంత్రాలతో మంటలను ఆర్పే ప్రయత్నం చేస్తున్నాయి.

ఒరెగాన్​లో కార్చిచ్చు.. 10వేల ఎకరాల అటవీ భూమి దగ్ధం!

ఒరెగాన్: అమెరికాలోని ఒరెగాన్​లో కార్చిచ్చు కల్లోలం సృష్టిస్తోంది. భారీగా ఎగసిపడుతున్న అగ్నికీలల ధాటికి 10వేల ఎకరాల అటవీ భూమి దగ్ధమైంది. దీంతో రంగంలోకి దిగిన 40 మంది అగ్నిమాపక సిబ్బంది, 12 అగ్నిమాపక యంత్రాలతో మంటలను ఆర్పే ప్రయత్నం చేస్తున్నాయి. ఈ కార్చిచ్చు నేపథ్యంలో ఒరెగాన్​ సరిహద్దు ప్రాంతాల్లో బాణసంచా తయారీ కేంద్రాలు మూతపడ్డాయి. ఈ నెల 4న అమెరికా స్వాతంత్ర్య దినోత్సవం సందర్భంగా భారీగా బాణసంచాకు డిమాండ్ ఉంటుంది. కానీ, కార్చిచ్చు నేపథ్యంలో ఇవి మూతపడ్డాయి. పోర్ట్‌ల్యాండ్ మేయర్ టెడ్ వీలర్ నగరంలో బాణసంచా అమ్మలను నిషేధిస్తూ ఆదేశాలు జారీ చేశారు. అటు కార్చిచ్చు నేపథ్యంలో ఒరెగాన్​ రాష్ట్ర గవర్నర్​ కేట్ బ్రౌన్ అత్యవసర స్థితిని ప్రకటించారు. ఇదిలాఉంటే.. ఉత్తర కాలిఫోర్నియాలోనూ దావానలం విజృంభించడంతో ఇప్పటికే 27 చదరపు కిలోమీటర్ల మేర మంటలు వ్యాపించాయి. ఓ అగ్నిపర్వతం బద్ధలు కావడంతో ఈ మంటలు వ్యాపించినట్లు సమాచారం. 

Updated Date - 2021-07-02T19:30:49+05:30 IST