చాణక్య నీతి: ఎవరు ఎంత ప్రయత్నించినా దీనిని మీ నుంచి ఎవరూ లాక్కోలేరు!
ABN , First Publish Date - 2022-04-03T12:01:21+05:30 IST
రాజనీతి శాస్త్రానికి గురువు అయిన విష్ణు గుప్తుడు...
రాజనీతి శాస్త్రానికి గురువు అయిన విష్ణు గుప్తుడు అంటే ఆచార్య చాణక్యుడి మాటలు నేటికీ ఎంతో ఆదరణ పొందుతున్నాయి. విజయవంతమైన జీవితాన్ని గడపడానికి చాణక్య విధానాలు అనుసరించడం చాలా ముఖ్యం. అతని ఆలోచనలు కఠినంగా అనిపించినా, దానిలో జీవిత సత్యం కనిపిస్తుంది. చాణక్య సలహాలు.. జీవితంలో మనకు ఎదురయ్యే ప్రతి పరీక్షలోనూ సహాయపడతాయి. వాటిలో ఒక అంశాన్ని ఇప్పుడు తెలుసుకుందాం. ఎవరు ఎంత ప్రయత్నించినా మీ నుండి ఎవరూ దోచుకోలేని అమూల్యమైన అంశాన్ని ఆచార్య చాణక్య తెలిపారు. ‘ఎవరూ దోచుకోలేని, దొంగిలించలేని ఆస్తి విద్య’ అని ఆచార్య చాణక్య తెలిపారు. ఆచార్య చాణక్యుడు తన నీతి శాస్త్రంలో విద్యను ఎవరూ దొంగిలించలేరని తెలిపారు. విద్య అనేది ఖచ్చితంగా కూడబెట్టుకోగల ఆస్తి అని, ఎవరైనా దొంగిలిస్తారనే భయం అవసరం లేదని ఆచార్య చాణక్య తెలిపారు. మనిషి జీవనోపాధి కోసం చదువుకుంటాడని, తన కాళ్లపై తాను నిలబడటమే కాకుండా, విద్య ద్వారా తనకు తానుగా అన్ని సుఖాలను కూడగట్టుకుంటాడని చాణక్య తెలిపారు. మీ విషయ పరిజ్ఞానాన్ని చూసి చాలా మంది అసూయపడవచ్చు. కానీ వారు మీ దగ్గర నుంచి దానిని దొంగిలించలేరు. ఎన్ని లక్షల ప్రయత్నాలు చేసినా వారి ప్రయత్నిం వృథా అవుతుంది. విద్యను ఎంత ఖర్చు చేసినా ఎప్పటికీ తరిగిపోదని ఆచార్య చాణక్య తెలిపారు.