హైదరాబాద్‌పై చెన్నై విజయం

ఐపీఎల్ 2021లో భాగంగా సన్‌రైజర్స్‌ హైదరాబాద్‌తో జరిగిన మ్యాచ్‌లో చెన్నై సూపర్ కింగ్స్ విజయం సాధించింది. 135 పరుగుల లక్ష్యంతో బరిలోకి దిగిన చెన్నై.. 19.4 ఓవర్లలోనే 4 వికెట్లు కోల్పోయి టార్గెట్‌ను ఛేదించింది. ఓపెనర్లు రుతురాజ్ గైక్వాడ్(45: 38 బంతుల్లో, 4 ఫోర్లు, 2 సిక్స్‌లు), ఫాఫ్ డూ ప్లెసిస్(41: 36 బంతుల్లో 3 ఫోర్లు, 2 సిక్స్‌లు) సూపర్ ఓపెనింగ్ ఇచ్చారు. దీంతో చెన్నై జట్టు వేగంగా లక్ష్యం వైపు దూసుకెళ్లింది. ఆ తర్వాత మోయీన్ అలీ(17), సురేశ్ రైనా(2) అంతగా ఆకట్టుకోకపోయినా, చివర్లో అంబటి రాయుడు(17), ఎంఎస్ ధోనీ(14) లాంఛనం పూర్తి చేశారు. ఇక చెన్నై తరపున బౌలింగ్‌లో 3 వికెట్లతో రాణించిన జాష్ హేజల్‌వుడ్‌కు మ్యాన్ ఆఫ్ ది మ్యాచ్ దక్కింది.