Abn logo
Jun 10 2021 @ 18:10PM

‘తైవాన్ వేరే దేశం కాదు’ జపాన్‌పై చైనా ఫైర్

బీజింగ్: తైవాన్‌ను ఓ దేశంగా పేర్కొన్నందుకుగానూ జపాన్ ప్రధాని యోషిహిడే సుగాపై చైనా మండిపడింది. తైవాన్ వేరే దేశం కాదని, అది తమ దేశంలో అంతర్భాగమని, ఇలాంటి వ్యాఖ్యలు ద్వైపాక్షిక సంబంధాలపై తీవ్ర ప్రభావం చూపుతాయని ఆందోళన వ్యక్తం చేసింది. జపాన్ ప్రధాని వ్యాఖ్యలను తాము తీవ్రంగా ఖండిస్తున్నామని గురువారం నిరసన వ్యక్తం చేసింది.


జపాన్‌లో ప్రస్తుతం పార్లమెంటు సమావేశాలు జరుగుతున్నాయి. ఈ క్రమంలోనే బుధవారం ప్రపంచంలోని కరోనా పరిస్థితులపై చర్చించారు. అందులో భాగంగా జపాన్ ప్రధాని యోషిహిడే సుగా మాట్లాడుతూ.. తైవాన్‌ను ఓ దేశంగా పేర్కొన్నారు. ఆస్ట్రేలియా, న్యూజిల్యాండ్, తైవాన్ దేశాలు కరోనా కట్టడిలో అద్భుత విజయం సాధించాయని పేర్కొన్నారు.

ఈ వ్యాఖ్యలపైనే చైనా నిప్పులు చెరిగింది.  చైనా విదేశాంగశాఖ ప్రతినిధి వాంగ్ వెన్‌బిన్ స్పందిస్తూ.. జపాన్ ప్రధాని వ్యాఖ్యలు ఇరు దేశాల సంబంధాలను దెబ్బతీసేలా ఉన్నాయని, తైవాన్‌ను దేశంగా పరిగణించకూడదన్న ఒప్పందాన్ని జపాన్ ఉల్లంఘించిందని పేర్కొన్నారు.

Advertisement