సులువుగా చిట్టి బుడగలు!
ABN , First Publish Date - 2020-05-28T05:30:00+05:30 IST
సులువుగా చిట్టి బుడగలు!
కావలసినవి:
మినప్పప్పు - అరకప్పు
బియ్యంపిండి - 2కప్పులు
కారం - టేబుల్‌ స్పూను
ఉప్పు - రుచికి తగినంత
నూనె - సరిపడా
తయారీ: మినప్పప్పును రెండుగంటల పాటు నీటిలో నానబెట్టాలి. మెత్తగా రుబ్బి పిండి చేసుకోవాలి. మినప పిండి, బియ్యప్పిండి.. రెండిటినీ ఒక పాత్రలోకి తీసుకొని ఉప్పు, కారం కలపాలి. కొంచెం నీళ్లు వేసి జావలా చేసుకోవాలి. గుండ్రటి బాల్స్‌లా చేసుకోవాలి. ప్లేట్‌ లోపల అంచుకు నూనె రాసి, బాల్స్‌ను అందులో ఉంచాలి. ఒక్కో బాల్‌ను పలుచగా ఒత్తుకోవాలి. వాటిని నూనె వేడెక్కాక అందులో వేస్తే పొంగుతాయి. రెండువైపులా బంగారం రంగు వచ్చేదాకి వేగించి తీయాలి. అంతే రుచికరమైన చిట్టి బుడగలు రెడీ. డబ్బాలో వేసి మూతపెడితే మూడు రోజుల పాటు నిల్వ ఉంటాయి. వీటిని కప్పు టీతో సర్వ్‌ చేయవచ్చు.
