Punjab సీఎం చరణ్‌జిత్ సింగ్ ఛన్నీ రెండుస్థానాల్లోనూ వెనుకంజ

ABN , First Publish Date - 2022-03-10T15:48:27+05:30 IST

పంజాబ్ రాష్ట్ర ముఖ్యమంత్రి చరణ్‌జిత్ సింగ్ ఛన్నీ పోటీ చేసిన రెండు అసెంబ్లీ స్థానాల్లోనూ వెనుకంజలో ఉన్నారు...

Punjab సీఎం చరణ్‌జిత్ సింగ్ ఛన్నీ రెండుస్థానాల్లోనూ వెనుకంజ

చండీఘడ్ : పంజాబ్ రాష్ట్ర ముఖ్యమంత్రి  చరణ్‌జిత్ సింగ్ ఛన్నీ పోటీ చేసిన రెండు అసెంబ్లీ స్థానాల్లోనూ వెనుకంజలో ఉన్నారు. కాంగ్రెస్ పార్టీకి చెందిన ఛన్నీ చామకౌర్ సాహిబ్, భాదౌర్ అసెంబ్లీ నియోజవర్గాల నుంచి పోటీ చేశారు. 2007 వ సంవత్సరం నుంచి చామకౌర్ సాహిబ్ అసెంబ్లీ నియోజకవర్గం నుంచి మూడు సార్లు విజయం సాధించిన ఛన్నీ ఈ సారి ఎన్నికల్లో వెనుకబడి పోయారు.రోపార్ నగరంలోని శ్రీ కాటల్ ఘడ్ చామకౌర్ సాహిబ్ గురుద్వారాలో గురువారం ప్రార్థనలు చేసిన ఛన్నీ గురువారం నాటి ఓట్ల లెక్కింపులో వెనుకబడ్డారు. గత ఏడాది సెప్టెంబరులో సీఎం అయిన ఛన్నీ రెండు నియోజకవర్గాల నుంచి పోటీ చేసినా ప్రత్యర్థుల కంటే ఓట్లలో వెనుకంజలో ఉన్నారు. కాంగ్రెస్ సీఎం అభ్యర్థిగా ప్రకటించినా ఛన్నీ వెనుకబడటం చర్చనీయాంశంగా మారింది. 


Updated Date - 2022-03-10T15:48:27+05:30 IST