కాంగ్రెస్ ఎమ్మెల్యే ఇంటిపై దాడి కేసు: కాంగ్రెస్ కార్పొరేటర్ భర్తతో పాటు 80 మంది అరెస్ట్
ABN , First Publish Date - 2020-08-14T18:43:29+05:30 IST
కాంగ్రెస్ ఎమ్మెల్యే అఖండ శ్రీనివాస మూర్తి నివాసంపై జరిగిన దాడిలో శుక్రవారం కీలక మలుపు జరిగింది.
బెంగళూరు : కాంగ్రెస్ ఎమ్మెల్యే అఖండ శ్రీనివాస మూర్తి నివాసంపై జరిగిన దాడిలో శుక్రవారం కీలక మలుపు జరిగింది. ఈ కేసులో సంబంధం ఉందంటూ కాంగ్రెస్ కార్పొరేటర్ ఇర్షద్ బేగం భర్త కలీమ్ పాషాను పోలీసులు అరెస్ట్ చేశారు. ఈయనతో పాటు మరో 80 మందిని కూడా పోలీసులు అరెస్ట్ చేశారు. ఎఫ్‌ఐఆర్‌లో కలీమ్ పాషాను ఏడో నిందితునిగా పోలీసులు పేర్కొన్నారు.
అంతేకాకుండా ఆ దాడికి కుట్ర పన్నిన వారిలో ఆయనా ఉన్నారని పోలీసులు ప్రకటించారు. వీరందర్నీ బళ్లారి జైలుకు పంపించారు. ఈ కేసులో మరో కీలక మలుపు కూడా సంభవించింది. తమ సోషల్ మీడియా అకౌంట్‌ను హ్యాక్ చేశారని ప్రకటించిన ఎమ్మెల్యే అల్లుడు... పోలీసుల ముందు అప్రువర్‌గా మారిపోయారు. ఇలా అభ్యంతరకరమైన పోస్టులు పెట్టింది కూడా తానేనని పోలీసుల ముందు అంగీకరించినట్లు సమాచారం.
