అమెరికా ప్రతినిధుల సభలో అంబేద్కర్ గౌరవార్థం తీర్మానం!

ABN , First Publish Date - 2021-04-16T14:32:50+05:30 IST

భారత రాజ్యాంగ నిర్మాత, డా.​ బీఆర్​​ అంబేద్కర్​ 130వ జయంతి సందర్భంగా అమెరికా ప్రతినిధుల సభలో భారతీయ అమెరికన్​ కాంగ్రెస్ సభ్యుడు రోహ్ ఖన్నా తీర్మానం ప్రవేశపెట్టారు.

అమెరికా ప్రతినిధుల సభలో అంబేద్కర్ గౌరవార్థం తీర్మానం!

వాషింగ్టన్: భారత రాజ్యాంగ నిర్మాత, డా.​ బీఆర్​​ అంబేద్కర్​ 130వ జయంతి సందర్భంగా అమెరికా ప్రతినిధుల సభలో భారతీయ అమెరికన్​ కాంగ్రెస్ సభ్యుడు రోహ్ ఖన్నా తీర్మానం ప్రవేశపెట్టారు. ప్రపంచ దేశాల్లోని యువనేతలు అంబేద్కర్​​ చూపిన సమానత్వ మార్గం ద్వారా స్ఫూర్తి పొందాలని ఈ సందర్భంగా ఖన్నా పేర్కొన్నారు. కాగా, అంబేద్కర్ గౌరవార్థం అమెరికా కాంగ్రెస్​లో ఖన్నా వరుసగా రెండోసారి ఈ తీర్మానం ప్రవేశపెట్టడం విశేషం. ఈ సందర్భంగా ఖన్నా మాట్లాడుతూ.. "అంబేద్కర్​ గౌరవార్థం ఆయన 130వ జయంతి సందర్భంగా ఇవాళ నేను మరోసారి తీర్మానం ప్రవేశపెడుతున్నాను. ప్రపంచ వ్యాప్తంగా ఉన్న యువనేతలు అంబేద్కర్​​ చూపించిన సమానత్వం మార్గం ద్వారా ప్రేరణ పొందుతారని ఆశిస్తున్నాను. దళితుడైన అంబేద్కర్​​ రచించిన భారత రాజ్యాంగం ద్వారా నేడు ఎంతో మంది భారతీయులు తమ హక్కులను కాపాడుకుంటున్నారు." అని అన్నారు. అలాగే వైశాఖి పండుగ విశిష్టతను గుర్తించాలంటూ జాన్ ​గారమేండి అనే కాంగ్రెస్ సభ్యుడు ప్రతినిధుల సభలో తీర్మానం ప్రవేశపెట్టారు. చారిత్రాత్మక, సాంస్కృతిక, మతపరమైన ఈ పండుగ ప్రాముఖ్యతను గౌరవించాలని ఆయన తన తీర్మానంలో పేర్కొన్నారు. కాగా, జాన్ ​గారమేండి అమెరికా చట్టసభలో సిక్కు కమ్యూనిటీకి నేతృత్వం వహిస్తున్నారు. 

Updated Date - 2021-04-16T14:32:50+05:30 IST