రోజుకో కూల్‌డ్రింక్ తాగుతున్నారా? అయితే ఇది తెలుసుకోండి..

ABN , First Publish Date - 2021-10-16T15:41:04+05:30 IST

ఫాస్ట్‌ ఫుడ్‌, ఫాస్ట్‌ డ్రింక్‌లది విడదీయలేనంత అనుబంధం. పిజ్జా, బర్గర్‌, పఫ్‌... ఏది తిన్నా నీళ్లకు బదులుగా అందరూ ఎంచుకునే పానీయం శీతల పానీయమే! అయితే దీంతో లెక్కలేనన్ని ఆరోగ్య నష్టాలున్నాయి. వాటి మీద ఓ కన్నేద్దాం!

రోజుకో కూల్‌డ్రింక్ తాగుతున్నారా? అయితే ఇది తెలుసుకోండి..

ఆంధ్రజ్యోతి(16-10-2021)

ఫాస్ట్‌ ఫుడ్‌, ఫాస్ట్‌ డ్రింక్‌లది విడదీయలేనంత అనుబంధం. పిజ్జా, బర్గర్‌, పఫ్‌... ఏది తిన్నా నీళ్లకు బదులుగా అందరూ ఎంచుకునే పానీయం శీతల పానీయమే! అయితే దీంతో లెక్కలేనన్ని ఆరోగ్య నష్టాలున్నాయి. వాటి మీద ఓ కన్నేద్దాం!


మెటబాలిక్‌ సిండ్రోమ్‌: రోజుకో కూల్‌ డ్రింక్‌ తాగితే చాలు. మధుమేహం బారిన పడే  అవకాశాలను 67% వరకూ కొని తెచ్చుకున్నట్టే!


చర్మం మీద దద్దుర్లు: సోడాల్లో ఉండే బ్రోమినేటెడ్‌ వెజిటబుల్‌ ఆయిల్‌ అనే రసాయనానికీ నాడీ నష్టానికీ సంబంధం ఉంది. ఈ రసాయనంతో చర్మం మీద దద్దుర్లు కూడా తలెత్తుతాయి.


చర్మపు ముడతలు: కూల్‌ డ్రింక్స్‌ నిల్వ కోసం వాడే ఫాస్ఫేట్స్‌, ఫాస్ఫారిక్‌ యాసిడ్లు చర్మపు సాగే గుణాన్ని తగ్గిస్తాయి. ఫలితంగా తక్కువ వయసులోనే వయసు పైబడిన వారిలా కనిపిస్తాం.


రక్తంలో కొవ్వులు: రోజుకో కూల్‌ డ్రింక్‌ తాగడం వల్ల రక్తంలో ట్రైగ్లిసరైడ్లు 30% పెరగుతాయి. ఇవి గుండె రక్తనాళాలను గట్టిపరుస్తాయి.


మెదడు డ్యామేజీ: కూల్‌డ్రింకులకు ఆకర్షణీయమైన రంగులు తెచ్చిపెట్టే కృత్రిమ రంగులు, కృత్రిమ స్వీటెనర్లు (ఆస్పర్టేమ్‌) మెదడు కణాలను నాశనం చేస్తాయి. దాంతో జ్ఞాపకశక్తి తగ్గుతుంది. ఆలోచనల్లో స్పష్టత లోపిస్తుంది. నిర్ణయాలు తీసుకునే సామర్థ్యం క్రమేపీ తగ్గుతుంది.


దంతక్షయం: ఫాస్ఫారిక్‌, సిట్రిక్‌ యాసిడ్లు నోట్లోని పిహెచ్‌ బ్యాలెన్స్‌ను మారుస్తాయి. దాంతో దంత ఎనామిల్‌ కొట్టుకుపోయి దంతక్షయం పెరుగుతుంది.

Updated Date - 2021-10-16T15:41:04+05:30 IST