Abn logo
Aug 2 2021 @ 17:13PM

కొవ్యాక్సిన్‌తో డెల్టా, డెల్టా ప్లస్‌కు చెక్.. ఐసీఎమ్ఆర్ తాజా అధ్యయనంలో వెల్లడి

న్యూఢిల్లీ: ప్రస్తుతం ప్రపంచాన్ని కలవరపెడుతున్న డెల్టా, డెల్టా ప్లస్ వేరియంట్లకు దేశీ కరోనా టీకా కొవ్యాక్సిన్ చెక్ పెట్టగలదని భారత వైద్య పరిశోధన మండలి(ఐసీఎమ్ఆర్) తాజాగా జరిపిన అధ్యయనంలో తేలింది. ఐసీఎమ్ఆర్‌లోని అంటువ్యాధుల అధ్యయన శాఖ అధిపతి డా. సమీరన్ పండా ఈ మేరకు ఓ కీలక ప్రకటన చేశారు. యాంటీబాడీ టైటర్లలో కొంత తగ్గుదల కనిపించినప్పటికీ డెల్టా, డెల్టా ప్లస్, బీ.1.617.3 వేరియంట్లను కొవ్యాక్సిన్ నిరోధించగలదని పేర్కొన్నారు. డెల్టా వేరియంట్ కారణంగా కొన్ని సందర్భాల్లో టీకా తీసుకున్న వారు కూడా కరోనా బారినపడుతున్న(బ్రేక్‌త్రూ ఇన్ఫెక్షన్లు) విషయం తెలిసిందే.