దేశంలో 156.76 కోట్లకు చేరిన కోవిడ్ వ్యాక్సిన్ డోసుల పంపిణీ

హైదరాబాద్: దేశ వ్యాప్తంగా కోవిడ్ వ్యాప్తి నివావరణకోసం వ్యాక్సినేషన్ డ్రైవ్ ముమ్మరంగా సాగుతోంది. ఈమేరకు ఇప్పటి వరకూ 156.76 కోట్ల కోవిడ్ వ్యాక్సిన్ డోసుల పంపిణీ పూర్తయినట్టు కేంద్ర ఆరోగ్యశాఖ ఒక ప్రకటనలో వెల్లడించింది. దేశంలో గడిచిన 24 గంటల్లో 66 లక్షల కోవిడ్ వ్యాక్సిన్ డోసులను పంపిణీ చేసినట్టు తెలిపారు. దేశంలో రికవరీ రేట్ 94.51 శాతం కాగా గడిచిన 24 గంటల్లో కొత్తగా 2,71,202 కేసులు నమోదయ్యాయి. ఇందులో 7,743 కేసులు ఒమైక్రాన్ గా తేలాయి. దేశంలో యాక్టివ్ కేసుల సంఖ్య 15,50,377 కాగా వీక్లీ పాజిటివిటీ రేట్ 13.69 శాతంగా నమోదయ్యాయి.