వారికి ఎదురు‘దెబ్బ’...

ముంబై : క్రిప్టోకరెన్సీల్లో పెట్టుబడులు పెడుతున్నవారికి ఎదురుదెబ్బ తగిలింది. బిట్‌కాయిన్... ఒక నెలలో మొదటిసారి 30 వేల డాలర్ల కంటే పడిపోయింది. మంగళవారం మధ్యాహ్నం 12.30 గంటలకు, బిట్‌కాయిన్ ధర 6.22 % తగ్గి యూనిట్‌కు 8 29,831.70 వద్ద ట్రేడవుతోంది. అంతకుముందు... జూన్ 22 న బిట్‌కాయిన్ 30 వేలకు పడిపోయింది. కాగా... మంగళవారం... ఎథెరియం యూనిట్‌కు 7.86 % తగ్గి 1,762 డాలర్లకు, టెథర్ యూనిట్‌కు 0.02 % తగ్గి ఒక్క డాలర్  కు, బినాన్స్ కాయిన్ యూనిట్‌కు 12.03 % తగ్గి 266 డాలర్లకు, డాగ్‌కోయిన్ యూనిట్‌కు 7.58 % తగ్గి 0.1662 డాలర్లకు చేరుకున్నాయి.

కాగా... సోమవారం, క్రిప్టోకరెన్సీ పెట్టుబడిదారులు 98 బిలియన్ డాలర్లు (సుమారు రూ . 7 లక్షల కోట్లు) మునిగిపోయారు. ఇక కొంతమంది వ్యాపారులు 30 వేల మద్దతును విచ్ఛిన్నం చేస్తే ఎక్కువ నష్టాలు సంభవిస్తాయని చెప్పారు. ఈ క్షీణత కొనసాగితే, ఇది క్రిప్టోకరెన్సీ మార్కెట్‌కు ఎక్కువ నష్టం కలిగిస్తుంది. నెమ్మదిగా ఆర్థిక వృద్ధి, కోవిడ్ -19 డెల్టా వేరియంట్ కారణంగా గ్లోబల్ ఈక్విటీలు పడిపోతున్నాయని పేర్కొన్నారు.

యూఎస్ స్టాక్ మార్కెట్లో అతిపెద్ద పతనం... 

సోమవారం, డౌ జోన్స్ 2020 అక్టోబరు తరువాత అతిపెద్ద క్షీణతను చూసింది. ఈ(నెల) జూలై 19 న యూఎస్ మార్కెట్‌లో ఇది 2.09 % భారీ క్షీణతను చవిచూసింది. కరోనా థర్డ్ వేవ్ ఆందోళనలు ఆర్థిక పునరుద్ధరణ సంకేతాలను బలహీనపరిచాయని చెబుతున్నారు. కరోనా థర్డ్ వేవ్ ఆందోళన ప్రభావం భారత స్టాక్ మార్కెట్‌పై కూడా కనిపిస్తోంది. ఈ రోజు... అంటే వరుసగా మూడవ రోజు మార్కెట్ క్షీణించింది. 

బిట్‌కాయిన్ 65 వేల డాలర్ల స్థాయినుంచి కిందకు... 

ఏప్రిల్ మధ్యలో బిట్‌కాయిన్ 65 వేల డాలర్ల స్థాయిని దాటింది. ఏప్రిల్ 14 న గరిష్ట స్థాయికి చేరుకున్నప్పటి నుండి బిట్‌కాయిన్ ధర క్రమంగా తగ్గుతూ వస్తోంది. ఇప్పటివరకు బిట్‌కాయిన్ ధర 49 % కంటే అధికంగా క్షీణించింది. ఏప్రిల్‌లో బిట్‌కాయిన్ మార్కెట్ క్యాప్... ఒక ట్రిలియన్ డాలర్లను(రూ.  74.62 లక్షల కోట్లు) దాటిపోవడం గమనార్హం.