పొట్టకూటి కోసం ప్రమాదపుటంచుల్లో..
ABN , First Publish Date - 2021-04-18T05:17:28+05:30 IST
రెక్కాడితే కానీ డొక్కాడని కూలీలు నిత్యం ప్రమాదపు అంచుల్లో ప్రయాణాలు చేస్తున్నారు.
వైరా, ఏప్రిల్‌ 17: రెక్కాడితే కానీ డొక్కాడని కూలీలు నిత్యం ప్రమాదపు అంచుల్లో ప్రయాణాలు చేస్తున్నారు. ఓవైపున కరోనా మహామ్మారి సెకండ్‌వేవ్‌ ఉధృతంగా వ్యాపిస్తున్న నేపథ్యంలో కూలికి వెళ్లనిదే పూటగడవని పరిస్థితుల్లో కూలీలు ప్రమాదభరితంగానే వాహనాల్లో రాకపోకలు సాగిస్తున్నారు. కనీస భౌతికదూరం గురించి బతుకుపోరాటం ముందు ఆలోచించటం లేదు. అంతేకాకుండా వాహనాల సామర్థ్యానికి మించి ప్రయాణాలు చేస్తున్నారు. ప్రతిరోజూ వైరాలో పదులసంఖ్యలో ఆటోల్లో సామర్థ్యానికి మించి కూలీలతో పలు ప్రాంతాలకు వెళ్లివస్తున్నాయి. ఇలాంటి ప్రమాదకర ప్రయాణాలను అరికట్టాలని పలువురు కోరుతున్నారు.
