జట్టులోనూ చోటు లేదు
ABN , First Publish Date - 2021-05-03T09:57:09+05:30 IST
సన్రైజర్స్ హైదరాబాద్ కెప్టెన్సీ కోల్పోయిన డేవిడ్ వార్నర్కు మరో షాక్. జట్టులో ఆటగాడిగానూ అతడికి ఉద్వాసన పలికింది
ఆటగాడిగానూ వార్నర్కు ఉద్వాసన
న్యూఢిల్లీ: సన్రైజర్స్ హైదరాబాద్ కెప్టెన్సీ కోల్పోయిన డేవిడ్ వార్నర్కు మరో షాక్. జట్టులో ఆటగాడిగానూ అతడికి ఉద్వాసన పలికింది మేనేజ్మెంట్. ఆదివారం రాజస్థాన్తో జరిగిన మ్యాచ్లో తుది జట్టు నుంచి వార్నర్ను తప్పించారు. ‘ఇది కఠిన నిర్ణయమే. జట్టులో ఎవరో ఒకరిని తప్పించాల్సిన పరిస్థితి. దురదృష్టవశాత్తూ ఆ స్థానంలో వార్నర్ ఉన్నాడు. అతను కూడా షాక్కు గురయ్యాడు. ఇది అందరినీ నిరాశపరిచేదే’ అని రైజర్స్ టీమ్ డైరెక్టర్ టామ్ మూడీ అన్నాడు. వార్నర్ స్థానంలో విలియమ్సన్ను జట్టు కెప్టెన్గా నియమించిన సంగతి తెలిసిందే.
రాజస్థాన్తో మ్యాచ్కు వార్నర్, సుచిత్, సిద్దార్థ్ కౌల్ స్థానాల్లో అఫ్ఘాన్ ఆల్రౌండర్ మహ్మద్ నబీ, అబ్దుల్ సమద్, భువనేశ్వర్ను జట్టులోకి తీసుకున్నారు. ఈ సీజన్లో వార్నర్ సారథ్యంలో ఆరు మ్యాచ్లాడిన రైజర్స్ ఒకే ఒక విజయాన్నందుకుంది. కెప్టెన్సీలో విఫలమైన వార్నర్.. ఆటగాడిగానూ అంతగా ఆకట్టుకోలేకపోతున్నాడన్న విమర్శలు వినిపిస్తున్నాయి. వార్నర్ ఆరు మ్యాచుల్లో వరుసగా 3, 54, 36, 37, 6, 57 పరుగులు చేసినా వేగంగా ఆడలేకపోతున్నాడు.