దీపావళికి నేతల శుభాకాంక్షలు

హైదరాబాద్: దేశ వ్యాప్తంగా దీపావళి వేడుకలు ఘనంగా జరుగుతున్నాయి. ఉదయం నుంచి అమ్మవారి ఆలయాల్లో భక్తులతో కిటకిటలాడుతున్నాయి. అలాగే దేశ ప్రజలకు, రాష్ట్ర ప్రజలకు ప్రధాని మోదీ సహా పలువురు నేతలు దీపావళి శుభాకాంక్షలు తెలియజేశారు. 

* దేశ ప్రజలకు ప్రధాని దీపావళి శుభాకాంక్షలు తెలిపారు. దీపావళి అందరి జీవితాల్లో వెలుగులు నింపాలని ప్రధాని ఆకాంక్షించారు. 

* తెలుగు ప్రజలందరికీ టీడీపీ అధినేత చంద్రబాబు నాయుడు దీపావళి శుభాకాంక్షలు తెలియజేశారు. దీపావళి పండుగ అందరి జీవితాల్లో వెలుగులు నింపాలన్నారు. సిరి సంపదలు, సౌభాగ్యం, స్నేహం ఎల్లప్పుడు వెల్లివిరియాలని తెలిపారు. 

* ఏపీ కాంగ్రెస్ పార్టీ నాయకురాలు, అమరావతి మహిళా జేఏసీ నేత సుంకర పద్మశ్రీ రాష్ట్ర ప్రజలకు దీపావళి శుభాకాంక్షలు తెలియజేశారు. టపాసుల కాల్చే సమయంలో ప్రతి ఒక్కరూ జాగ్రత్తగా ఉండాలని, ఆనందంతో పండుగ జరుపుకోవాలని ఆకాంక్షించారు.