Abn logo
Oct 23 2021 @ 20:41PM

Shocking: చెవిలో దురదగా ఉండటంతో ఆసుపత్రికి వెళ్లిన మహిళ.. ఆమెను పరీక్షించి నోరెళ్లబెట్టిన డాక్టర్..

ఇంటర్నెట్ డెస్క్: చెవిలో దురదగా ఉండటం, అందులోంచి శబ్దాలు రావడంతో ఆ మహిళ కంగారు పడింది. ఏమైందో ఏంటో అనుకుని డాక్టర్‌ను సంప్రదించింది. ఈ క్రమంలో ఆమె చెవిని పరీక్షించిన వైద్యుడు ఒక్కసారిగా కంగుతిన్నాడు. చెవిలో కనిపించిన దృశ్యం చూసి నోరెళ్లబెట్టాడు. కాగా.. ఆమె చెవిలో ఆ డాక్టర్ ఏం చూశాడనే వివరాల్లోకి వెళితే...


చైనాలోని హునాన్ ప్రావిన్స్‌కు చెందిన యీ(Yi)కి తాజాగా  వింత సమస్య ఎదురైంది. చెవిలో దురదగా ఉండటంతోపాటు అందులోంచి శబ్దాలు రావడంతో ఆమె భయాందోళనలకు గురైంది. రాత్రంతా ఆ సమస్యతో ఇబ్బందిపడ్డ ఆమె.. ఉదయమే డాక్టర్‌ను సంప్రదించింది. ఈ క్రమంలో ఆమె చెవిని పరీక్షించిన వైద్యుడు ఒక్కసారిగా కంగుతిన్నాడు. చెవి కుహరంలో ఓ పెద్ద సాలీడు ఉండటాన్ని చూసి డాక్టర్ నోరెళ్లబెట్టాడు. ఈ క్రమంలో విషయం తెలసుకున్న యీ సైతం ఆశ్చర్యపోయింది. అనంతరం సదరు డాక్టర్ ఆమె చెవిలోంచి చాకచక్యంగా సాలీడును బయటకు తీశాడు. ఈ నేపథ్యంలో అంత పెద్ద సాలీడు తన చెవిలో ఎప్పుడు దూరిందో అర్థం కాక యీ విస్తుపోయింది. కాగా.. ప్రస్తుతం ఈ అంశం స్థానికంగా చర్చనీయాంశం అయింది. 



ప్రత్యేకంమరిన్ని...