'మత విశ్వాసాలను వివాదం చేయొద్దు'

• బీజేపీ రాష్ట్ర అధ్యక్షుడు బండి సంజయ్‌ 
  

హైదరాబాద్‌, సెప్టెంబరు 24 (ఆంధ్రజ్యోతి): మత విశ్వాసాలను వివాదం చేయడం తగదని బీజేపీ రాష్ట్ర అధ్యక్షుడు బండి సంజయ్‌ అన్నారు. ఆచారాలు, సంప్రదాయాలు అనాదిగా వస్తున్నాయని.. వాటిలోని లోతుపాతుల్ని విచారించేది, శాస్త్ర పద్ధతుల్లో చర్చించేది.. స్వామీజీలు, పీఠాధిపతులు, మతపెద్దలేనని వివరించారు. బాధ్యత మరచి విమర్శలు చేయడాన్ని కొంతమంది నాయకులు ఫ్యాషన్‌గా భావిస్తున్నారని విమర్శించారు. ప్రధాని మోదీ, యూపీ సీఎం యోగిపై అనుచిత వ్యాఖ్యలు చేయడం విచారకరమన్నారు. ప్రభుత్వంలోని నేతలు సంయమనం కోల్పోయి వ్యాఖ్యలు చేయడం మంచిది కాదని సంజయ్‌ అన్నారు.