చుక్కలను అంటుతున్న బంగారం ధరలు

హైదరాబాద్: బంగారం ధరలు చుక్కలను అంటుతున్నాయి.  రోజు రోజుకు రికార్డు స్థాయిలో ధరలు పైకెగబాకుతున్నాయి. హైదరాబాద్ మార్కెట్‌లో 10 గ్రాముల మేలిమి బంగారం ధర రూ. 60వేలకు చేరువవుతోంది. ప్రస్తుతం 10 గ్రాముల బంగారం ధర రూ. 58,700లకు చేరుకుంది. అంతర్జాతీయ మార్కెట్‌లో ఔన్స్‌ బంగారం ధర 2,035 డాలర్ల వద్ద కొనసాగుతోంది. ఈ సీజన్‌లో పసిడి ఔన్స్‌ 2,040 డాలర్ల గరిష్ట స్థాయికి చేరుతుందని వ్యాపార వర్గాలు గతంలోనే అంచనా వేశాయి. ఇప్పుడు దాదాపు ఈ ధరకు బంగారం వచ్చేసింది.

అమెరికా సహ అన్ని దేశాల ఆర్థిక వ్యవస్థలన్నీ నెమ్మదించడం, కోవిడ్ కేసుల విస్తృతి, మరణాలు అంతకంతకు పెరిగుతుండడంతో సర్వత్ర అనిశ్చితి నెలకొంది. ఈ పరిస్థితుల కారణంగా సురక్షిత పెట్టుబడి సాధనంగా భావించే బంగారంవైపు పెట్టుబడులు అన్ని మల్లుతున్నాయి. దీనికి తోడు ఏ దేశ కేంద్రీయ బ్యాంకు కూడా తన పసిడి నిల్వలను అమ్మకానికి పెట్టకపోవడంవల్ల ధరలు దిగిరావడంలేదు.