భూ‘భ్రమణ వేగం’ తగ్గుతోంది..!

లండన్ : ‘రోజుకు ఎన్ని గంటలు’... ఇప్పుడీ సమాధానాన్ని మార్చుకోవాల్సిన పరిస్థితి ఏర్పడుతోంది.  ఎందుకంటే భూమి భ్రమణ వేగం గణనీయంగా మారిపోతుండడమే ఇందుకు కారణమని శాస్త్రవేత్తలు చెబుతున్నారు. భూమి సూర్యుని చుట్టూ కక్ష్యలోకి తీసుకునే సమయంలో దాని అక్షం మీద 365 సార్లు తిరుగుతుంది. అయితే, భూమి దాని అక్షం మీద ఇప్పుడున్నదానికంటే చాలా వేగంగా తిరుగుతోంది. వందల మిలియన్ల సంవత్సరాల క్రితం భూమి సూర్యుని చుట్టూ తిరిగే సమయంలో 420 స్పిన్‌లను పూర్తి చేసింది. ఇది దాదాపు 444-419 మిలియన్ సంవత్సరాల క్రితం జరిగినట్లు శాస్త్రవేత్తలు గుర్తించారు. ఆ తర్వాత కొన్ని మిలియన్ సంవత్సరాలకు అది 410 కు తగ్గిందని నిర్ధారించారు.

కాగా... భ్రమణ వేగం ప్రభావితం కావడానికి వివిధ కారకాలను చెబుతున్నారు. అవి సముద్ర మట్టాలు కావచ్చు, భూమి లోపల మార్పులు వంటివి కావొచ్చు. అయితే... మరో అంశం... చంద్రుడు భూమి నుంచి దూరంగా కదులుతుండడం. సాధారణంగా, భూమి వేగం మందగించడానికి ఒక లీప్ సెకండ్ ప్రతిసారీ ప్రవేశపెట్టబడుతుంది. ఏదేమైనా... 2020 వరకు  సాధారణంగానే ఉన్న భూభ్రమణం... ఇప్పుడు మళ్లీ వేగవంతమైందని ఖగోళ శాస్త్రవేత్తలు గుర్తించారు. ‘అతి తక్కువ రోజు’ రికార్డు(1960 లలో ఖచ్చితమైన అణు గడియారాలతో కొలతలు ప్రారంభించినప్పటి నుంచి) 2005 లో నమోదైంది. కాగా... ఆ రికార్డు 2020 లో 28 సార్లు విచ్ఛిన్నమైందని టైమండ్‌డేట్.కామ్ నివేదించింది. రికార్డులు ప్రారంభమైనప్పటి నాటి నుంచి సగటు రోజు ఎక్కువవుతోందని చెబుతున్నారు. ప్రస్తుత సంవత్సరంలో భూమి ఇంత వేగంగా తిరుగుతూ ఉన్నట్లయితే... అంతర్జాతీయ భూ భ్రమణ చరిత్రలో తొలిసారిగా నెగెటివ్‌ లీపు సెకనును జోడించాల్సిన అవసరం ఉంటుందని భావిస్తున్నారు.  

యాభై ఏండ్ల కంటే ఎక్కువగా...

‘గత యాభై ఏండ్లలో కంటే భూమి ఇప్పుడు వేగంగా తిరుగుతోందని ఖచ్చితంగా చెప్పవచ్చు’ అని నేషనల్ ఫిజికల్ లాబొరేటరీ సమయం, ఫ్రీక్వెన్సీ గ్రూపులో ఉన్న సీనియర్ శాస్త్రవేత్త పీటర్ విబ్బర్లీ పేర్కొన్నారు. ఈ మార్పు లీప్ రెండవ వ్యవస్థను పూర్తిగా తొలగించడానికి దారితీస్తుందని అభిప్రాయపడ్డారు. భూభ్రమణ రేటు పెరిగితే నెగెటివ్‌ లీపు సెకండ్ అవసరమయ్యే అవకాశం ఉంటుందని, కానీ ఇది జరిగే అవకాశం ఉందో లేదో చెప్పడం మరీ తొందరపడడమే అవుతుంది’ అని పీటర్‌ విబ్బర్లీ పేర్కొన్నారు.  ఇక... 2021 లో సగటు రోజు సాధారణ 86,400 సెకన్ల కన్నా 0.05 మిల్లీ సెకన్లు తక్కువగా ఉంటుందని శాస్త్రవేత్తలు అంచనాకు వేస్తున్నారు.

యాభై ఏళ్డ్లళలో కంటే భూమి ఇప్పుడు వేగంగా తిరుగుతోందని చెబుతోన్న శాస్త్రవేత్తలు... దీనిని ఎలా నిర్వచించాలన్న విషయమై దర్జనభర్జన పడుతున్నారు. గతేడాది కూడా శాస్త్రవేత్తలు ఈ మార్పును గమనించారు. గతేడాది జూలై 19 న 24 గంటల్లో 1.4602 మిల్లీసెకన్ల సమయం తక్కువ ఉండటాన్ని గుర్తించారు. అంతర్జాతీయ ఎర్త్ రొటేషన్ సర్వీస్ శాస్త్రవేత్తలు భూభ్రమణ వేగం యొక్క ప్రభావం 2021 లో  ఎక్కువగా కనిపిస్తుందని భావిస్తున్నారు. భూమి దాని అక్షం మీద వేగంగా కదులుతున్న కారణంగా అన్ని దేశాల సమయాలు మారుతాచపి. సౌర సమయం ప్రకారం ఉపగ్రహాలు, కమ్యూనికేషన్ పరికరాలు అమర్చబడినందున కమ్యూనికేషన్ వ్యవస్థలో సమస్యలు తలెత్తే అవకాశాలున్నాయని భావిస్తున్నారు. ఈ పరిస్థితి నావిగేషన్ వ్యవస్థపై కూడా ప్రభావం చూపుతుందన్న ఆందోళన శాస్త్రవేత్తల్లో వ్యక్తమవుతోంది.