Abn logo

ఎగ్‌ ఫింగర్స్‌

కావలసినవి: కోడిగుడ్లు - ఎనిమిది, ఉప్పు - తగినంత, మిరియాల పొడి - అర టీస్పూన్‌, కార్న్‌ఫ్లోర్‌ - పావు కప్పు, నూనె - సరిపడా, ఆల్‌ పర్పస్‌ ఫ్లోర్‌ - పావు కప్పు, చిల్లీ ఫ్లేక్స్‌ - అర టీస్పూన్‌, బ్రెడ్‌ క్రంబ్స్‌ - రెండు టేబుల్‌స్పూన్లు


తయారీ: ముందుగా ఒక పాత్రలో కోడిగుడ్లు కొట్టి వేసుకోవాలి. తరువాత అందులో ఉప్పు, మిరియాలపొడి వేసి బాగా కలియబెట్టాలి. వెడల్పాటి పాన్‌ తీసుకుని నూనె రాసి అందులో కోడిగుడ్ల మిశ్రమం పోయాలి. ఒక వెడల్పాటి పాత్రలో కొద్దిగా నీళ్లు తీసుకుని స్టవ్‌పై పెట్టాలి. మధ్యలో చిన్న స్టాండ్‌లాంటిది పెట్టి దానిపై కోడిగుడ్ల మిశ్రమం పోసిన పాన్‌పెట్టి మూత పెట్టాలి. నీళ్లు పోసిన పాత్రపై కూడా మూత పెట్టాలి. చిన్నమంటపై అరగంట పాటు ఉడికించాలి. తరువాత నెమ్మదిగా బయటకు తీయాలి. ఊతప్పం మాదిరిగా అయిన వెంటనే దీన్ని వేరే ప్లేట్‌లోకి మార్చుకోవాలి. కత్తితో ఫింగర్స్‌ మాదిరిగా కట్‌ చేయాలి. మరొక పాత్రలో కార్న్‌ఫ్లోర్‌, ఆల్‌ పర్పస్‌ ఫ్లోర్‌, తగినంత ఉప్పు, చిల్లీ ఫ్లేక్స్‌ వేసి కలపాలి. మరొక ప్లేట్‌లో కోడిగుడ్లు కొట్టి వేసి చిటికెడు ఉప్పు వేసి కలియబెట్టాలి. ఇప్పుడు కట్‌ చేసి పెట్టుకున్న ఫింగర్స్‌ను పిండి మిశ్రమంలో అద్దుతూ, కోడిగుడ్డు సొనలో ముంచాలి. తరువాత బ్రెడ్‌ క్రంబ్స్‌ అద్దాలి. స్టవ్‌ ఒక పాన్‌ పెట్టి నూనె పోసి వేడి అయ్యాక బ్రెడ్‌ క్రంబ్స్‌ అద్దిన ఫింగర్స్‌ వేసి వేగించాలి. అంతే... ఎగ్‌ ఫింగర్స్‌ రెడీ.

మటన్‌ కీమా బాల్స్ఎగ్ వడఎగ్‌రోల్‌కబాబ్స్‌ఎగ్‌ 65చికెన్ పకోడా (వీడియో)మ్యాంగో క్రంబ్‌ బార్స్‌చందువా చేపల ఫ్రైచంద్రవంకలుక్యారెట్‌ కుక్కీస్‌
Advertisement
d_article_rhs_ad_1
Advertisement