Abn logo
Aug 10 2020 @ 08:37AM

ఐర్లాండ్ నుంచి ఎఫ్‌బీ అధికారి ఫోన్‌... యువ‌కుడిని కాపాడిన ఢిల్లీ పోలీసులు!

న్యూఢిల్లీ: ఐర్లాండ్‌కు చెందిన ఫేస్‌బుక్ అధికారి నుంచి వ‌చ్చిన ఫోనును రిసీవ్ చేసుకున్న‌ డిల్లీ పోలీసులు ముంబైలో ఆత్మహత్యకు ప్రయత్నిస్తున్న ఢిల్లీకి చెందిన‌ యువకుని ప్రాణాలను కాపాడారు. ముంబైలో కుక్‌గా పనిచేస్తున్న ఆ యువ‌కుడు ఫేస్‌బుక్‌లో సూసైడ్ చేసుకుంటున్న‌ట్లు పోస్ట్ పెట్టాడు. ఈ సమాచారం అందుకున్న‌ సైబర్ సెల్ వెంటనే రంగంలోకి దిగి, సాంకేతికత సాయంతో ఆ యువ‌కుడు ఉంటున్న ప్రాంతాన్ని తెలుసుకుని, ముంబై పోలీసులకు ఈ విష‌యాన్ని తెలిపారు. ఈ ఉందంతం గురించి సైబ‌ర్ సెల్ డీసీపీ అనేష్ రాయ్ మాట్లాడుతూ ఐర్లాండ్‌కు చెందిన ఫేస్‌బుక్ అధికారి త‌మ‌కు ఫోన్ చేసి... ఢిల్లీకి చెందిన ఓ యువ‌కుడు ముంబైలో ఆత్మహత్య చేసుకోబోతున్నాడ‌ని తెలిపార‌న్నారు. దీనిని అ అధికారి త‌మ‌కు ఈమెయిల్ కూడా చేశార‌న్నారు. దీంతో అల‌ర్ట్ అయిన పోలీసులు ఆ వ్య‌క్తి ఫేస్‌బుక్ ఖాతా ఆధారంగా ఫోన్ నంబర్ తెలుసుకున్నారు. త‌రువాత అత‌ను ప్ర‌స్తుతం ముంబైలో ఉంటున్నాడ‌ని తెలుసుకుని, అక్కడి పోలీసుల‌కు స‌మాచారం చేర‌వేశారు. దీంతో ముంబై పోలీసులు ఆ యువ‌కుడు ఉంటున్న ప్రాంతానికి చేరుకున్నారు. అత‌నిని అదుపులోనికి తీసుకుని, కౌన్సెలింగ్ ఇప్పిస్తున్నారు.

Advertisement
Advertisement